“संसाराच्या भोव चड यशस्वी समुदायां पयकी कोंकणी समुदाय एक म्हळ्ळी म्हजी पात्येणी. तरी ह्या समुदायाची मांयभास कोंकणिचो फुडार घट आसा म्हणोंक धयर पावाना. भाशेच्या उदर्गतेक संघटनात्मक चळवळ, सर्काराचो पाटिंबो आनी शासत्रीय शिकप ह्यो तीन संग्ती भोव गर्जेच्यो. तशेंच ह्या तिन्यी संग्तीं मधें ताळ-मेळ्यी तितलोच चड गर्चेचो. कोंकणेचो मनीस जावन कोंकणी सुत्तुरा भायर रावोन पळेताना म्हज्या गुमानाक गेल्ले पर्माणें कोंकणिंत संघटनात्मक वावर चल्ला आनी चल्तेच आसा; कोंकणीक राजाश्रय वा सर्कारी आश्रय मेळ्ळा; इसकोल-कोलेजिंनी कोंकणी शिकपाक आवकास, मंगळूर विश्वविद्यालयांत कोंकणी अध्ययन पीठाचें स्थापन – अशें कोंकणिंत शासत्रीय शिकपाक आवकास्यी लाबला. पूण ह्या तीन्यी घटकां मधें सार्को ताळ-मेळ ना. भारतीय भाशेंनी संघटक, सर्कारी संस्थे आनी शासत्रीय शिकपा मधें ताळ-मेळ चुकल्यार भाशेची वाडावळ कुर्वोंक लाग्ता. हो सार्को जायनासतां भाशेची उदर्गत कश्टांची.” आशें म्हणालो कर्नाटक पबलीक सर्वीस कमिषन बेंगळूर हाचो सांदो मानेसत रोनालड फेर्नांडीस. तो मंगळूर कुद्मूल रंगराव पुरभवनांत कोंकणी भाशा मंडळ कर्नाटक हाच्या भांगारोत्सव संभ्रमाच्या समारोप काऱ्याचो मुखेल सयरो जावन उलयतालो. मुकारून ताणे “किटाळ जाळिजागो एक सोडन हेर खंच्याय कोंकणिंतल्या पत्रांनीं बळवंत धोरण आपणायिल्लें पळेवंक मेळाना. कोंकणी खातीर वावुर्च्या संघटनांनी, संस्थ्यांनी सांगाता येवन सर्कारी सवलातायो समजिकायेन वांटून घेवन, सर्कारी संस्थ्यां कडेन संघटनां-साहितिंनी तशेंच खासगी संस्थ्यांनी एकवटीत थरान कोंकणी शिकपाक आनी अभ्यासाक पाटिंबो दिल्यार कोंकणीक बरे दीस उदेतले.” म्हळें.
ह्याच संदर्भार कोंकणी भाषा मंडळ कर्नाटक हांणी वर्सावार दिंवचे पासत पयले पावटीं सुर्वातिल्ल्यो पांच प्रशसत्यो प्रधान केल्यो. मानेसत रामदास गुलवाडीक जीवमान साधक पुरसकार, मानेसतीण कल्याणिबायी नीर्केरेक जानपद पुरसकार, मानेसत अप्पुराय पैक काऱ्यकर्त पुरसकार, मानेसत क्लान्वीन फेर्नांडिसाक यूव पुरसकार आनी मानेसतीण कृतिका कामत हांच्या ‘दिवोचो उज्वाडू’ पुसतकाक २०२२व्या वर्साचो पुसतक पुरसकार फावो जालो.
त्या उपरांत कोंकणी भाशा मंडळ कर्नाटक हाच्या भांगारोत्सवाच्या उगडासाक कोंकणी मांय भास उलयतल्या विवीध धर्मच्या आनी समुदायच्या प्रतिषटीत पन्नास जणांक सन्मान केलो.
स्थापक अध्यक्ष देवाधीन चापरा देकोसता तशेंच ताच्या उपरांत केबिएम के चलयिल्ल्या सर्व बारा अध्यक्षांचो उडास काडन तांकां वा तांच्या कुटमच्या सांद्यांक मान केलो.
मानाचे सयरे जावनासलल्या कोंकणी अकाडेमिचो रिजिसट्रार मनोहर कामत उलोवन सगळ्या समुदायच्या कोंकणी मांय भास उलंवच्या लोकाक सांगाता हाडलल्या हुद्देदारांक शाभासकी फावो म्हळें.
वेदीर आसलल्या स्थापक खजानदार फा| मार्क वालडर हाणीं आशीर्वचन केलें.
संस्थ्याचो काऱ्यकारी सलहदार तशेंच सयरो जावनसलल्या प्रशांत शेट हाणें उलोवन कोंकणी मांय भाशेची सेवा कर्चें आमचें भाग म्हणाले.
काऱ्याचो अध्यक्ष स्थान केबिएम के चो अध्यक्ष वसंत राव हाणे घेतल्लें. काऱ्याच्या सुर्वेर काऱ्याचो संचालक तशेंच केबिएम के चो काऱ्यदर्शी रेमंड डिकून्हा ताकोडेन स्वागत केलो तशेंच केबिएम के संस्थो चलोन आयिल्ली वाट मटव्यान विवरिली. फेल्सी लोबो आनी रियाना डिकून्हा हाणीं काऱ्ये निरूपण केलें. काऱ्यकारी सांदो रोबर्ट मिनेजस हाणीं आदल्या अध्यक्षांची वळक सांगली. प्रशसती तशेंच गौरव संचालक जावनासच्या अरविंद शानभाग हाणीं प्रशसती आनी गौरव स्वीकर केल्ल्या मानाच्या सयरांची ओळोक सांगली. गौरव स्वीकार केल्ल्या संस्थ्याची ओळोक जोस्सी पिंटो हाणीं केली.
कोंकणी भास आनी संसकृती उरंवच्या उद्देशान सकाळीं थावन दोनपारा पऱ्यांत विवीध इसकोलाच्या आनी कोलेजिच्या २०० विद्यार्थिंनी, सांसकृतीक स्पर्ध्यांत भाग घेवन जिकप्यांनी नगदी बहुमान आनी भाग घेतलल्यांनी प्रमाण पत्रां घेतलीं. हो स्पर्धो उपाध्यक्ष रत्नाकर कुडवा हाणीं मांडून हाडल्लो. काऱ्यकारी सांदे जावनासच्या मीनाक्षी पै, गीता सी किणी, लारेन्स पिंटो, नवीन नायक, वेंकटेश बाळीग हाणीं आपलो सहकार दिलो. सहकाऱ्यदर्शी जूलियेट फेर्नांडीस हाणीं धन्यवाद पाटयलें. खजानदार सुरेश शेणै, वेदीर आस ल्ले.
दनपारां कर्नाटकाच्या ३१ जिल्ल्यांक प्रतिनिधित्व कर्न, कोंकणी घोषणा संगीं, अलोशियस हैसकूल्च्या विद्यार्थिंच्या ब्यांडा सांगाता एक आकरषक पुर्शांव चल्लो. आक्रेक सां लुवीस कोलेजिच्या विद्यार्थिंनी रेमंड डिकून्हा ताकोडे हाणे बरवन सां लुवीस कोंकणी संघाची संयोजकी प्लोरा कासतेलिनो हिणे निर्देशन केल्लो ʻ मुंगैतलेʼनाटकुळो खेळोन दाकयलो.
