Mandd Sobhann prokaxonachem 22 vem ani Rony Arun hannem likhlolem pustok ʻrikxa ddoiriʼ 09.05.24 ver ul’lall somexvor aschea poxchim’ ttrosttachea salant lokarponn zalem. Mhalgoddi sahiti ani prokaxoki Gladys Rego hem pustok lokarponn kelem. Kareacho mukhel soiro poxchim’ ttrosttacho direktor rohit sanktus hannem borem magun konknni kola ani sahiteak mandd sobhannachi vorti denngi asa. Roni Aruna tosole somajichea thollavea gozalincher borounko soktat ani tachim borpam kallzak amvoddtat mhonn sontos ucharlo.
Vedir mandd sobhann gurkar Eric Ozario, odhyokx Luvi Pintto, teloka somstheanchi nirdexoki Clara D’Cunha hazor aslolim. Boroupi Roni Arunan prostavik uloup dilem tor Vitori karkollan karyem samball’llem.
rikxa diary dirvem nemallear porgott zal’lea 44 lekonancho funzo. Hantum lekhokan rikxa driver zaun astana polleyil’leo ani bhogul’leo gozali suros xoilen pintraileat. Kolakar Wilson kayyaran sobhit for soddoila ani kovi Titus Noronhan survilim utram boroileant. Hem pustok Gladys Rego onudanakhal chhapchem panchvem pustok. Roni Arunan hache adim biddar (srizona prokaxon) ani Thokanatlolo Zhuzari (Mandd Sobhann prokaxon) don pustokam boroyil’lim asat. Thokanatlolo zhuzari pustokak kornattoko konknni sahity okaddemi pustok puroskar (2015) favo zala.
124 pananchea hea pustokachem mol ru 120/- tori mandd sobhann doftorant ani roni orunnalagim (mo: 9449243941) 100/- rupeank melltolem.
