Aplea 34 vorsanche prayer mongllurak yeun fokot 21vorsam hea prodexant jieun aplea 55vea vorsanche prayer devadin zal’lo Fr| A.F. X. Maffeiyin konknni bhaxek dil’lim don omolik dirvem zaunasat inglix-konkonni sobdʼkox ani konkonni veakoronn pustok. Hea don pustokam vorvim kanaddi lipyentlea konknnent layikanchem sahity torzonn zaunko kromenn nemalleanchi survat, haka lagon kotha, kadombori, kovita, nattok –oxem sahiteachye udorgotek vatt toyar korn dil’lea ittaliyon jejvit yazok Fr| A.F. X. Maffeiyichea jinnye-vauracher Sahity akademi Delhi hannim manddun haddl’lem raxttr mott’ttachem vichar satem ‘sahity monch’ karyem ogost 30 tariker sukrara donporam 2.30 vorar Sam Luvis porigonnit vixv’videaloichea sohodoi sobhasolant chol’lem.
Sahity akademi Delhi ani Sam Luvis porigonnit vixv videaloi konkonni somstho hanchea zodd asreakhal chol’lelea hea vichar sateachem ugtaunn Ittalian, spanish, french, german, kannada ani konknni bhaxe ponddit Dr| Fr| Jerom D’souza hannim kele.
Kareachea surver sam luvis kolez (svait’t) hacho registrar Dr| Alwyn D’sa hannim sorvank boro yeukar maglo. Sahity akademi konkonni soloha somiticho nimontrok, Melvin Rodrigues hannem prastovik uloup dilem. Uprant chol’lelea vichar sateachem sunkann hatim ghet’l’lea Dr| Fr| Melwyn Pinto hannim Fr| A.F. X. Maffeiyichi mottvi ollok diun tachea vaurachi zhollok dili. Maffeiyichem jivit ani vaur hea vixim Fr| Olvin Veigas SJ, kox’kar zaun maffeiyi mholl’llea vixoicher Dr| Fr| Jerom D’souza ani veakoronn’kar zaun mafeyi vixoyacher Fr| Jason Pinto SDB Hannim probondh monddon kelem.
Kareachea surver konknni songhochea sandeamni prarthon git gailem. Konkonni somstheachi sohaiki ku| Delvita Veigasan karyem choloilem. Sam luvis porigonnit vixv’videaloyachea konknni vibhagachi mukhyostinn xrimoti Flora Castelino hinne dhonyovad pattoilem. Vividh kolez videarthi toxench vinchnnar boroupeamni hea vichar sateant vantto ghetlo.
