ʻʻAmi xida sangunk zainatl’lem sahityodvarim sangon amchench protibhotton koryetʼʼ oxem mhonnalo namnnecho mottveo kannyengar melvin pintto nirudde. To soptembor 7ver sam luvis kolez konkonni somstheachea ʻBolkamvʼ mhoineallea boskechea poilea boskerthaun ʻmottveo kannio ani hamvʼ mholl’llea vixoyacher uloitalo.
ʻArundhoti roi hichi dusri kadombori The ministry of utmost happniess hantum ti godhra vixim uloita, prostut razoki-i porigote vixim uloita, kaxmira vixim uloita… Punn hem sorv sahiteachea vortulant yeta. Chafraniy hem preton tachea nattokamni, kovitemni, borpur kelam. Dolit sahiteantiy ami hem polletamv, bleak littorechorantiy ami hem polletamv. Aichea sondorbhar sahity bovo gorjechem mhonn mhaka bhogta. Kiteak az vyokti chodd ani chodd sonkirnn zaleat dekun vyokti spurti zamvchem unnem zaunmch yeta. Tea sthitent bohuxa sahiteak ti zovabdari chodd asa. Kitem ami xida sangunk osady gi, tem ami sahitea dvarim inddoirektt zaun sangyet konn’nna…ʼ oxem mhonnalo. To apleo mottveo kannio tin kaleticheo zaunason poilem apnnacho svonbhogch kanneo zaleat tor, dusrem heranchea jinnyent apnnem pollel’lem ani tisrem apnnem apleach bhesak vimorxatmok ritim polleun likl’leo kannio- mhonn vantte korn logbog 40 minuttam aplea sahiteavixim uloilo. tea uprant logbog 40 minuttam somvad chol’lo. Sumar 35 sahitimni hantum vantto ghetlo.
Kareachea surver sam luvis porigonnit vixvvidealoyacho vois chansolor Dr Fr Praveen Martis hamnni aboleachea zhodda mullak udak votche marifat ʻbolkamvʼ mhoineallea boskechem ugtaunn kelem. Hea vellar konkonni somstheacho nirdexok Dr Fr Melwyn Pinto, sam luvis kolez (svait’t) hacho kulopoti Dr Alwyn DʼSa, ʻBolkamvʼ boskecho sonchalok, kittall zallizageacho sompadok HM Pernal ani sam luvis porigonnit vixvvidealoi konkonni somstheacho karyem somyozok Joachim Pinto vedir asl’le.
ʻBolkamvʼ ugtaunn korn aplo sondex dil’lea Dr Fr Praveen Martis hamnni ʻ144 vorsam adim sam luvis kolejichea survatethaun konkonni bhaxek ani bhaxechea vividh chottuvottikenk preronn-protsah dil’le jejvit yazok ozun konkonni bhaxek tyech mapan protsah dite asat. ʻBolkamvʼ mhoineallea boske marifat sahitink ani tanchea sahiteak lagxilean ollkonk, bhogunk ek aukas mellta. Hangasor cholcho somvad konkonni bhaxechea udorgotek prerok zamvdiʼ oxem mhonnalo.
Kareachea surver ʻBolkamvʼ mhoineallea boskecho sonchalok HM Pernallan kareachea kary vidanavixim sovistar mahet dili.
Dusri ʻbolkamv boska oktoborache 12 tariker sokallim dha vorar choltoli. Hea kareant sam luvis kolez (svait’t) hacho kulopoti Dr. Alwyn DʼSa ʻsahity ani vimarsoʼ vixim uloitolo.
