motint ek dixttavo aslear
mukhli vatt opapim dista
jieunko ek karonn labhta
tumve mhaka sanddun vetonam
ek mojbut karonn dilem-i
‘tujea ballanchi zoton’
tum astonam, khontivinn jielim
tum nastonam, bhirant bhogli
bhugreank dekhtanam, jieunko preronn mell’llem…
Tuka devan velea uprant
nentti asl’li hamv zantti zalim
ballank amchea samballunk laglim…
Tankam auy bapui hamvch zalim
sorv khuxi tankam dilim
sodanch tanchom pattimbo zalim…
Mukhlea vattek sangati ditonam devan
nakach mhonn sangonk laglim
vhoddilamni somzoilem; adhar zatelo jinnyek mhonn…
Tujem unnemponn bhorn diunko konnacheany sadh nam
tachean zata titlem kortam mhonn to mukhar sorlo
amiy taka opnnailo…
Az poreant amam sorvankhatir
to tachem kortouy korit asa
hem polleun, tum-i khux asai mhonn bhorvostam…
Tumve diun gel’lea dixttaveasongim
mukharsita hem poinn
tumve amka dil’lea besamvasovem…
Az poreant mannkanchim amchea zoton ghetlea
tumve gorv bhogcheaporim vaddoilam
vot tujea mogacho paus amcher sodam…!
