“हऱ्येका समुदायाक तांचीच म्हळ्ळी संसकृती आसचेपरीं आमकां कोंकणी भाषिकांक्यी एक संसकृती आसा. ही पिळगेथावन पिळगेक व्हाळोन आयल्या आनी परिवर्तन जावन्ं च गेल्या. समाजेंत बरो संबंध रुता कर्च्याक समासमपण लेकचें गर्जेचें. बदलापाच्या वादाळांत आमची संसकृती आनी संपरदाय उरवन घेवन भास आनी संसकृतिच्या पाळांसवें अविभिन्न जावन उर्ची आमची जवाब्दारी जावनासा. हाका साहितिंची देणगी धाराळ” अशें म्हणालो मंगळूर धर्म प्रात्यांच्या सेमिनरिचो रेकटर मा| दो| रोनालड सेरावो, आपल्या लिखणेथावन कोंकणी साहित्य शेतांत आपलीच छाप मारल्ल्या दो| जेरालड पिंटोक अभिनंदन पाटवन. फेबरेर १७वेर सांजेर बज्जोडी संदेश सभासालांत चल्लेल्या कोंकणी लेखक संघ प्रशसती प्रधान समारंभांत तो मुकेल सयरो जावन हाजर आसल्लो.
मा| दो| रोनालड सेरावो, आळवास पी.यू. कोलेजिचो कन्नड प्राध्यापक श्री टी.ए.एन खंडिगे, कोंकणी लेखक संघ संचालक रिचर्ड मोरास, सांदे दो| एडवर्ड नज्रेत, डोलफी कास्सिया, हेनरी मसकरेन्हस वेदीर आसोन, शेलो, झेलो घालन, मैसूर पेट सजवन, फळां, स्मरणिका मानप त्र आनी रू. २५,०००/- दीवन दो| जेरालड पिंटोक मान केलो.
गौरव सयरो श्री टी.ए.एन खंडिगे हाणें उलोवन, ʻकरावळ एक बहुभाषा संगम. असल्या विविधतेंत एक जावन सामरस्य बांधून हाडुंक कोंकणी भाषिकांचो वावर होगळिकेक फावो. कोंकणी भाषेंत जायतें साहित्य आसा. मालघड्या साहितिंच्या मेटांनी चमकून, प्रबुद्ध साहित्य मुकारी रचन जांवʼ अशें संदेश दिलो.
ह्या विशेष संदर्भार ‘पोयेटिका’ कविंचो पंगड रचून कोंकणी कविता शेतांत आपलीच वळक दाकयिल्ल्या आडमीन नवीन पिरेराक २५ कविगोषटी चलयिल्ल्याक शाभासकी पाटवन मान केलो. तशेंच २०२४व्या वर्साची ‘संदेश साहित्य प्रशसती’ आपणायिल्ल्या साहिती वल्ली क्वाड्रस अजेकार, हाका मान केलो. हांकां क्रमान साहिती डोलफी कास्सिया आनी कवी आंडऱ्यू डिकुन्हान फुलां तुरे दीवन अभिनंदन पाटयले.
मानेसत अनील डिकुन्हान प्रार्थन गायलें. संचालक रिचर्ड मोरसान प्रासतावीक उलोवप दिलें. दो| एडवर्ड नज्रेतान स्वागत केलो. हेनरी मसकरेनसान दो| जेरी निड्डोडिची वळक कर्न दिली. श्रीमती फेल्सी लोबोन सन्मान पत्र वाचलें. जोर्ज लिगोरी डिसोजान धन्यवाद पाटयले. म्याक्सीं लुद्रीक बोंदेल, दिया मसकरेनस आनी केनिस्स डिसोजान सहकार दिलो. मा| बा| मार्क वालडर, सेवक संपादक मा| बा| चेतन कापुचीन, राकणो संपादक मा| बा| रूपेश माडता, लेखक जे. एफ. डी’सोजा अत्तावर, एं.सी.सी. ब्यांक निर्देशक ऐरीन रेबेल्लो, नामणेचे साहिती, पत्रांचे संपादक, अभिमानी हाजर आसल्ले . साहिती लवी गंजिमठ हिणें काऱ्यक्रम निरूपण केलें.
