സാഹിത്യ് അകാഡെമി തർഫെൻ ബദിയഡ്ക സംസ്കൃതി ഭവനാന്ത് ‘ഗ്രാമലോക’ മ്ഹള്ളെം കൊങ്കണി സാഹിത്യ് കാര്യെം ചല്ലെം.
കൊങ്കണി സാഹിതി, ഭാഷാ തജ്ഞ് ദൊ| കസ്തൂരി മോഹൻ പൈ കാര്യാചൊ അധ്യക്ഷ് ജാവ്നാസ്ല്ലൊ . താണെം ആപ്ല്യാ ഉലവ്പാന്ത് ‘ഹ്യാ പ്രാകാരാച്യാ കാര്യാവളി മാരിഫാത് സാഹിത്യ് അകാദമി ഖര്യാ അർഥാൻ ഗാംവ്ടി ലൊകാ മധ്ല്യാ സാഹിതിങ്ക് പെÇ്രത്സാഹ ദിംവ്ക് പ്രേതൻ കർതാ. ഹി പ്രക്രിയാ ചാലൂച് ഉരാജയ്. ത്യാ മാരിഫാത് അസല്യാ ൽഹാൻ ഹള്ളെന്ത്ല്യാ കവിംനി മുഖെൽ വ്ഹാള്യാന്ത്ല്യാ കവിതാ രസികാം പര്യാന്ത് പാവജയ്’ മ്ഹളെം.
കാര്യാച്യെ സുർവെർ കേന്ദ്ര് സാഹിത്യ് അകാഡെമിച്യാ കൊങ്കണി സലഹാഗാർ സമിതിചൊ നിമന്ത്രക് ശ്രീ മെല്വിൻ രൊഡ്രിഗസ് ഹാണെം ‘ഗ്രാമലോക’ കാര്യാവിശിം മാഹെത് ദിവ്ന് ജമ്ല്ല്യാം ക് ബരൊ യെവ്കാർ മാഗ്ലൊ. ബദിയഡ്ക ഗ്രാമ പഞ്ചായത് സാന്ദൊ ശ്രീ ഡി. ശങ്കര ഹാണെം ഗ്രാമലോക കാര്യക്രമാ ഖാതിർ ബദിയഡ്ക തസലൊ ൽഹാൻ ഗാംവ് വിഞ്ചുൻ കാഡ്ല്ലെ പാസത് അകാഡെമിച്യാ വാംഗ്ഡ്യാഞ്ചൊ ഉപ്കാർ ബാവുഡ്ന് ‘അസലെം കാര്യെം ആയോജിത് കർൻ സാഹിത്യ് അകാഡെമിൻ ബദിയഡ്കാച്യാ കൊങ്കണി സമാജാക് മാൻ കെലാ. ഗ്രാമലോക കാര്യാക് അകാഡെമി ആമ്ചി ഹള്ളി വിഞ്ച്തലി മ്ഹൺ ആമി കെദ്നാഞ്ച് ചിന്തുങ്ക് നാത്ല്ലെം . ആനി മുകാരിയ് അസലിം കാര്യിം ഹാംഗാസർ കർചിം തർ ആമി സംപൂർൺ രിതിചൊ സഹകാർ ദിതല്യാംവ്’ മ്ഹളെം.
കാര്യാവെളാർ യുവ സാഹിതി വെങ്കടേശ് നായക്, ശ്വേതാ പൈ മഞ്ജേശ്വർ, രോശൻ പെരിയഡ്ക ഹാണിം കവിതാ വാച്ല്യൊ തർ സ്ട്യാനി ബേളാൻ മട്വി കാണി പ്രസ്തുത് കെലി.
