രൊജ്രി വാണിജ്യ് ആനി കലാ മഹാവിദ്യാലയ് നാവെലിം, സാശ്ട് ആനി കൊങ്ക്ണി ഭാശാ മണ്ഡൾ മഡ്ഗാംവ് ഹാഞ്ച്യാ ജൊഡ്പാലവാൻ വെർസ് ലൊക്ഗിതാം: കൊങ്ക്ണീചി ഗിരെസ്ത് സംസ്കൃതി ഹ്യാ വിശ്യാചെർ 2024 ഫെബ്രെർ 3 എകാ ദിസാചൊ രാഷ്ട്രീയ് പരിസംവാദ് ആയൊജീത് കെല്ലൊ.
പരിസംവാദാക് ബായ് ശാരുഫാ ഫെർനാണ്ഡീസ് ആനി ബാബ് എവിസൻ ഗൊമസ് ആമ്ച്യാ വിദ്യാർഥ്യാംനി മാഗ്ണ്യാചെ രിതീന്ത്ല്യാൻ സുർവാത് കെലി. ഉപ്രാന്ത് ആമ്ച്യാ മഹാവിദ്യാലയാചെ പ്രാചാര്യ് പ്രൊ. ഹെലീക് ബരെർടൊ ഹാണിം സഭാഘരാന്ത് ഹാജീർ ആശില്ല്യാ സഗ്ള്യാ മാനെസതാങ്ക് ആനി വിദ്യാർഥ്യാങ്ക് യെവ്കാർ ദില്ലൊ. കാര്യാവളീചൊ പ്രത്യക്ഷപണാൻ ആരംഭ് കർപാ ഖാതീർ കാജാരാചെ യെർസ് മ്ഹൺപാക് വാപ്രപി തന്ത്രാചൊ – ദാന്ത്യാന്ത് താന്ദൂൾ ഘാലൂൻ സുർവാത് കെലി. പരിസംവാദാചെം പ്രസ്താവീക് ഉലൊവ്പ് ഹ്യാ പരിസംവാദാചെ സംയൊജക് ഫാ. രൊമൻ രൊഡ്രിഗീസ് ഹാണെം കെലെ. കൊങ്ക്ണി ഭാശാ മണ്ഡ്ളാചെ അധ്യക്ഷ് ആനി പരിസംവാദാചെ ജൊഡ് സംയൊജക് ഹ്യാ നാത്യാൻ ശ്രീമ്തി അന്വെഷാ സിംഗ്ബാൾ ഹിണെം ആപ്ലെം ഉലൊവ്പ് കെലെ. ഫാ. മെല്വീൻ പിണ്ടൊ ഹാണെം ആയ്ച്യാ പരിസംവാദാചെ ബീജ്ഭാശൺ കെലെം. കൊങ്ക്ണി വിഭാഗാചെ മുഖെലി ഹ്യാ നാത്യാൻ ഡൊ. ഡെനീസ് വാജ് ഹാണെം ഉക്താവൺ സുവാള്യാചെം ഉപ്കാരാചെം ഉലൊവ്പ് കെലെ. ഉപ്രാന്ത് ബീജ് ഭാശൺ കർപി ഫാ. മെല്വീൻ പിണ്ടൊ ആനി കൊങ്ക്ണി ഭാശാ മണ്ഡ്ളാചെ അധ്യക്ഷ് ശ്രീമ്തി അന്വെഷാ സിംഗ്ബാൾ ഹാങ്കാം യാദ്സ്തീകാം ദില്ലിം. ഉക്താവൺ സുവാള്യാചെം സുത്രസഞ്ചാലൻ ബായ് പ്രതിക്ഷാ സാംഗാംവ്കാർ ഹാണെം കെലെം.
ച്യാ ജാല്യാ ഉപ്രാന്ത് പരിസംവാദാചെം പയ്ലെം സത്ര് ജാലെം, ഹ്യാ സത്രാന്ത് ഡൊ. പാണ്ഡുരംഗ് ഫൾദെസായ് അധ്യക്ഷ് മ്ഹൺ ലാബില്ലെ. ഹ്യാ സത്രാന്ത്, മംഗ്ളൂർ വെർസാഞ്ചി വാട്ചാൽ ഹ്യാ വിശ്യാചെർ ശ്രി. ജ്യൊകിം പിണ്ടൊ ഹാണെം അഭ്യാസ് കരൂൻ പ്രപ്ത്ര് തയാർ കെലെം ജാല്യാർ ബായ് ഡെല്വീടാ വിയെഗസ് ഹിണെം തൊ സാദർ കെലൊ. സത്രാന്തലെം ദുസ്രെം പ്രപ്ത്ര് ശ്രീമ്തി മായാ മൊർജകാർ ഹിണെം ഗൊംയ്ച്യാ വെർസീഞ്ചി വാട്ചാൽ ഹ്യാ മാഥാള്യാ ഖാലാ അഭ്യാസപുർൺ പ്രപ്ത്ര് മാണ്ഡ്ലെം. വെർസാന്ത്ല്യാൻ ഘഡില്ലി സമാജീക് അഭിവ്യക്തി ഹ്യാ വിശ്യാചെർ ഫാ. രൊമൻ രൊഡ്രിഗീത് ഹാണെം സത്രാന്തലെം തിസ്രെം പ്രപ്ത്ര് മാണ്ഡ്ലെം. സഗ്ളെ പ്രപ്ത്ര് മാണ്ഡ്ല്യാ ഉപ്രാന്ത് സത്രാചെ അധ്യകശാൻ പ്രപ്ത്രാഞ്ചൊ സാരാശം കെലൊ ആനി ഉപ്രാന്ത് പ്രസ്നാ ഖാതീർ മാചി ഉക്തി കെലി. സഭാഘരാന്ത് ആശില്ല്യാഞ്ച്യാ പ്രസ്നാഞ്ച്യൊ ജാപൊ ദില്ല്യാ ഉപ്രാന്ത് ബായ് കൽപിതാ ഹാണെം സത്രാന്ത് വാണ്ടൊ ഘെതില്ല്യാഞ്ചെ ഉപ്കാർ മാന്ലെ. സത്രാന്ത് വാണ്ടൊ ഘെതില്ല്യാ മാനെസ്താങ്ക് യാദ്സ്തീകാം ദിലിം.
കാജാരാചി രീത് ആനി യെർസാഞ്ചെം സാദ്രീകരൺ ഹ്യാ ദുസ്ര്യാ സത്രാന്ത് മംഗ്ളൂർച്യാ പംഗ്ഡാൻ ആനി ഗൊംയ്ച്യാ പംഗ്ഡാൻ യെർസാഞ്ചെം സാദ്രീകരൺ കെലെം. ഹ്യാ സത്രാന്ത് ഡൊ. ഗ്ലെനീസ് മെണ്ഡൊൻസാ ഹിണെം ആപ്ലെം മനൊഗത് വ്യക്ത് കെലെം. പരിസംവാദാക് ലഗ്നാചെ രിതീചെർ ചഡ് കരൂൻ വെർസ് ഗാംവ്പാച്യാ വെളാർ ആസില്ലെം സ്വരൂപ് പ്രത്യക്ഷപണാൻ ദാഖയ്ലെം. ബായ് വായ്ലട് ഫെർനാണ്ഡീസ് ഹാണെം ഹ്യാ സത്രാചെം സുത്രസഞ്ചാലൻ കെലെം.
വെർസ് ലൊക്ഗിതാം: കൊങ്ക്ണീചി ഗിരെസ്ത് സംസ്കൃതി ഹ്യാ എകാ ദിസാച്യാ പരിസംവാദാച്യാ സമാരൊപ് സുവാള്യാക് പ്രൊ. ഹെലീക് ബരെർടൊ ഹാണെം യെവ്കാരാചെം ഉലൊവ്പ് കെലെം. മഹാവിദ്യാലയാചെ പ്രശാസ്ക് ഹ്യാ നാത്യാൻ ഫാ. ഗാബ്രിയൽ കുതിൻഹൊ ഹാണെം ആപ്ലെ വിചാർ മാണ്ഡ്ലെ. സഹായ്യക് പ്രാധ്യാപക് ശ്രീമ്തി ആശാ ഗാംവ്കാർ ഹിണെം സഗ്ള്യാഞ്ചെ ഉപ്കാർ മാന്ലെ ആനി എകാ ദിസാചൊ രാഷ്ട്രീയ് പരിസംവാദാക് പുർണവിരാം ലായ്ലൊ.
