ചാരയ് വടെൻ കൊരൊനാചൊ ചല്ലാ സാംവാർ.
ഹജാരാനി ശെങ്ക്ഡ്യാനി മർണാച്യൊ ഖബ്രൊ
കസ്ലൊ ഹൊ വായ്ട് കാൾ.
ചാരയ് വടെൻ എക് ഭിരാങ്കൂൾ ശാന്ത്താ.
ഹ്യാ നിരവ് ശാന്തതെത്
ശാരാച്യാ കഡെർ, ആംബ്യാ പൊന്ദാ
തീൻ ബിൽഡിഗെ കുശീൻ
എക് മ്ഹാതാരി ഗാംവ്ഡീൺ
മുഖാർ തീൻ ചാർ ഭാജ്യെച്യൊ ചുഡ്യൊ,
ചിട്കീമിടകീചൊ എക് വാണ്ടൊ
ബാരീക് ദുദി, ദൊൻ ചാർ
വാംഗ്യാചി ഗൊളാം
ഘെവ്ന് ബസ്ല്യാ.
രസ്ത്യാർ എക് മനീസ് നാ
ദൻപാരചെം വത് രഖ്രഖതാ.
പുലിസാച്യൊ ഗാഡ്യൊ ഹെവ്ടെൻ തെവ്ടെൻ
സായ്രൻ വാജയ്ത് ഭൊംവ്താത്.
എക് പാതൾ വിർവിരീത് മാസ്ക്
തിണെം നാകാർ ദവല്ലാ.
തിജെം ബാരീക് ഖഡ്ബഡീത് കാളെം രാകട് ഹാത്
സുർകുതല്ല്യാത്.
എകാ ദൊള്യാത് ഫൂൽ പഡ്ലാ,
ത്യാ ദൊള്യാത്ല്യാൻ പരത് പരത് ഉദക് യെതാ.
തി പരത് പരത് പുസ്താ ഉദക്.
കുശീച്യാ ബാൽകനീത് ഉബൊ രാവ്ന് കൊൺ’തരി
വ്ഹഡാവ്ഹഡാൻ മിഠാചൊ ഗൾഗളൊ ഘെതാ,
ഥൊഡൊവെൾ തൊ ആവാജ്
ശാന്തതാ ചിരീത് രാവ്താ.
വതാചൊ ഹൊ ഭാർ സൊംശീത്
തി ബസല്യാ കൊരൊനാചൊ ഹൊ മഹാഭംയകർ
ആഘാത് സൊംശീത്
ആപ്ല്യാ ഭാജ്യെചൊ മാണ്ഡൂൻ മാണ്ഡ്.
