“Sagolli monxeakullan adarl’li poili vrit’ti, fokot xetant ghollchem matr sagolli nhoi, sagollek lagon rupit zal’li monxea somskritiy sagollecho ek vantto. Jednam ami hi vrit’ti sanddli, taka lagon sagollek sombondh zal’le sobd, somskriti nas zaunko lagli. Haka lagon bhasyi oskot zali” – oxem mhonnalo konkonni, kanoddi, tullu tribhaxa lekhok Vally Bola.
To sam luvis porigonnit vixv videaloyachea konkonni somsthean mhoineavar cholomvchea ʻbolkamvʼ sahitik somvad kareavellar ʻsagolli ani sahityʼ mholl’llea vixoyacher uloitalo.
Logbog 45 minuttam tanne sagolli ani sahiteak purok zal’leo songti ani taka sombondit tachea jinnyentlim ghodditam vivorilim.
Somvada vellar lekhok, konkonni somstheacho direktor Melwyn Pinto, neerudden Vally Bollachea ut’tim’ uloupak ul’lasun ʻjednam amchea konkonni kotholik somudayan krixi sanddligi toullthaun amchea sut’turantlea her somudayamsongim asl’lo moga-maipasacho bandyi unno zayit’t ailo. Sagolli eka ritin sorv’dhorm’ somonvoyak purok zatali. Az koraullent motiyota vaddlea tor, hangacho lok sagolle thaun pois gel’lemyi ek karonn zaunko puroʼ oxem tamnni obhiprai vyokt keli.
lekhok Charls Lobo hamnni manest Vally Bollak sagvollek sombondit kollit osche zaite sobd xherantlea boroupeank kollit nant dekun chitram sovem hea sobdancho buk fais korunk soloha dili. Do| Willy D’silvan ʻsagolli sombondit sobd/utram gamvathaun gamvak bodlatat mholl’llem-i gumanant dourijeʼ mhollem.
Kareachea surver Melwyn Pinto, neerudden gulob diun vol’li bollak svagot maglo. ʻbolkamvʼ kareakromachi fuddkai ghetl’lo lekhok H M Pernallan dhonyovad orpile.
Me moineachem bolkamv karyem aitara 4 tariker, sokallinchea 9.30 vhorancher cha-follhara sangata suru zaun 10.00 thaun 11.00 pasun choltalem.
