“Somsarachea bhovo chodd yoxosvi somudayam poiki konkonni somudai ek mholl’lli mhoji patyenni. Tori hea somudayachi mamybhas konkonnicho fuddar ghott asa mhonnonk dhoir pavana. Bhaxechea udorgotek songhottonatmok chollvoll, sorkaracho pattimbo ani xastri-i xikop heo tin songti bhovo gorjecheo. Toxench hea tinyi songtim modhem tall-mellyi titloch chodd gorchecho. Konknnecho monis zaun konkonni sut’tura bhair ravon polletana mhojea gumanak gel’le pormannem konkonnint songhottonatmok vaur chol’la ani choltech asa; konkonnik razaxroi va sorkari axroi mell’lla; iskol-kolejimni konkonni xikpak aukas, mongllur vixvovidealoyant konkonni odhyoin pitthachem sthapon – oxem konkonnint xastri-i xikpak aukasyi labla. Punn hea tinyi ghottokam modhem sarko tall-mell na. Bharoti-i bhaxemni songhottok, sorkari somsthe ani xastri-i xikpa modhem tall-mell chuklear bhaxechi vaddaull kurvonk lagta. Ho sarko zainastam bhaxechi udorgot koxttanchi.” axem mhonnalo kornattoko poblik sorvis komixon bengollur hacho sando manest ronaldd fernanddis. To mongllur kudmul rongoravo purobhounant konkani bhasha mandal karnataka hachea bhangarotsou sombhromachea somarop kareacho mukhel soiro zaun uloitalo. Mukarun tanne “kittall zallizago ek soddn her khonchyai konkonnintlea potramnim bollvont dhoronn apnnayil’lem polleunko mellana. Konkonni khatir vavurchea songhottonamni, somstheamni sangata yeun sorkari soulatayo somjikayen vanttun gheun, sorkari somstheam kodden songhottonam-sahitimni toxench khasgi somstheamni ekvottit thoran konkonni xikpak ani obheasak pattimbo dilear konkonnik bore dis udetole” mhollem.
Heach sondorbhar konkani bhasha mandal karnataka hamnni vorsavar dimvche pasot poile pauttim survatil’leo panch proxosteo prodhan keleo. Manest Ramdas Gulvadik jiuman sadhok puroskar, manestinn Kalyanibai Nirkerek zanopod puroskar, manest Appuraya Pai karyokort puroskar, manest Clanvin Fernandesak yuvo puroskar ani manestinn kritika kamot hanchea ‘divocho ujvaddu’ pustokak 2022vea vorsacho pustok puroskar favo zalo.
Tea uprant konkani bhasha mandal karnataka hachea bhangarotsovachea ugddasak konkonni mam-i bhas uloitolea vividh dhormochea ani somudaichea protixttit pon’nas zonnank sonman kelo.
Sthapok odhyokx devadhin cha pra dekosta toxench tachea uprant kebiem’ ke choloyil’lea sorv bara odhyokxancho uddas kaddn tankam va tanchea kuttmochea sandeank man kelo.
Manache soire zaunaslolea konkonni okaddemicho Registrar Manohar Kamath uloun sogllea somudaichea konkonni mam-i bhas ulomvchea lokak sangata haddlolea hud’dedarank xabhaski favo mhollem.
Vedir aslolea sthapok khozandar Fr. Mark Walder hannim axirvochon kelem.
Somstheacho karyokari solohodar toxench soiro zaunoslolea proxant xett hannem uloun konkonni mam-i bhaxechi seva korchem amchem bhag mhonnale.
Kareacho odhyokx sthan kebiem’ ke cho odhyokx vosont ravo hanne ghetl’lem. Kareachea surver kareacho sonchalok toxench kebiem’ ke cho karyodorxi remondd ddikunha takodden svagot kelo toxench kebiem’ ke somstho cholon ayil’li vatt mottvean vivorili. Felsi lobo ani riana ddikunha hannim karye niruponn kelem. Karyokari sando Robert Menezes hannim adlea odhyokxanchi vollok sangli. Proxosti toxench gourou sonchalok zaunaschea Aravinda Shaanobhag hannim proxosti ani gourou svikor kel’lea manachea soiranchi ollok sangli. Gourou svikar kel’lea somstheachi ollok Jossi Pinto hannim keli.
Konkonni bhas ani somskriti uromvchea ud’dexan sokallim thaun donpara poreant vividh iskolachea ani kolejichea 200 videarthimni, samskritik spordheant bhag gheun jikpeamni nogdi bohuman ani bhag ghetloleamni promann potram ghetlim. Ho spordho upadhyokx Ratnakara Kudva hannim manddun haddl’lo. Karyokari sande zaunaschea Meenakshi Pai, Geetha C Kinni, Lawrence Pinto, Naveen Naik, Venkatesh Baliga hannim aplo sohokar dilo. Sohokaryodorxi Zuliet Fernandes hannim dhonyovad pattoilem. Khozandar Suresh Shenoy, vedir as l’le.
Donparam Karnatakachea 31 jil’leank protinidhitv korn, konkonni ghoxonna songim, Aloysius Highschoolchea videarthinchea beandda sangata ek akorxok purxamv chol’lo. Akrek St Aloysius kolejichea videarthimni Raymond D’Cunha Thakode hanne boroun St Aloysius konkonni songhachi somyozoki Flora Castelino hinne nirdexon kel’lo ʻmungoitoleʼ nattkullo khellon dakoilo.
