सां लुवीस कोलेज हांगासर कर्नाटक कोंकणी साहित्य अकाडेमी, कोंकणी लेखकिंचो एक्तार, मंगळूर आनी कोंकणी संघ सां. लुवीस परिगणीत विश्व्विद्यालय हांच्या जोड आसऱ्या खाल ‘अंतराषट्रीय स्त्रीयांचो दिवस-२०२४’ आचरण केलो.
सां लुवीस कोलेज विद्यार्थिंनी कोंकणी ध्येय गीत गायलें. फ्लाविया अलबुकर्क, पुत्तूर हिणें येवकार मागोन, चार वर्सां पुर्वीं कोंकणी लेखकिंचो एक्तार कित्या पासत सुर्वातलो म्हूण प्रासतवीक उलोवपांत विवरिलें. मानेसतीण बसती शोभा शेणै हिचे सवें हेर मुकेल सयऱ्यांनी गुमट व्हाजवन, कोंकणी लेखकिंच्या एक्ताराचो नवो लोगो उग्तावन केलो. सलोमी मोगर्नाड हिच्या अध्यक्ष्पणाखाल कविगोषटी चलयली. चंद्रिका मल्य, कृतिका कामत, फ्लाविया अलबुकर्क पुत्तूर, जोयस किन्निगोळी, मरलीन मसकरेन्हस हाणीं कविता वाचन केलें. स्त्रीयांच्या दिसा संदर्भी आसा केल्लेल्या लेखन स्पर्ध्यांत जिकलेल्यांची नांवां डा. डिंपलान जाहीर केलीं. स्पर्ध्याक आयलेल्या सुमार पांत्तीसां वयर लेखना पयकी पयलें इनाम: ऐरीन रेबेल्लो कुलशेकर, दुस्रें इनाम: कन्सेपटा फेर्नांडीस आनी तिस्रें इनाम: पेल्सी लोबो देरेबैल हांकां फावो जालें.
काऱ्याध्यक्ष रे. फा. मेलवीन जे. पिंटो हाणीं “हांगासर कवयत्रिंनी वाचल्ल्या कविते थावन म्हाका प्रेरण मेळ्ळें तशेंच तुमच्या कविते आनी बर्पां थावन वाचप्यांक प्रेरण लाभोंदी…” – असो संदेश दिलो. वेदीर हाजर आसल्ल्या सर्वांक श्रीमती मेरी डिसिलवा हिणे उगडासाची काणीक दिली. आमच्या समाजिच्या तालेंतांक वेदी दिंवच्या मानेसतीण मेरी डिसिलवा हिका कोंकणी लेखकिंच्या एक्तारा तर्फेन मान केलो. सन्मान पत्र मानेसतीण प्रीता मिरांदान वाचन केलें. सी. डा. मेबल क्लारा डिमेल्लो बी.एस. हिणें ʻभलायकेभरीत समाज रच्चांत आधुनीक काळाचा स्त्रीयेचो पात्रʼ ह्या विशीं उलोवप दिलो. लवी गंजिमठान सी. डा. मेबल हिचो परिचय दिलो.
मानेसतीण ऐरीन रेबेल्लो, सपणा सलडान्हा आनी फ्लाविया सलडान्हा हाणीं स्व रचीत आनी विंचणार पदां गायलीं. हांकां आर. मनोहर कामत हाणीं उगडासाची काणीक दिली. ऐरीन मेंडोन्सा हिणें जम्लेल्या खातीर खेळ मांडून हाडले. हांतून सपणा सलडान्हा विजेत जाली. श्रीमती फ्लोरा क्यासतेलिनो हिणें सर्वांचो उपकार आटयलो.
फेल्सी देरेबायल हिणें भोव उत्तीम रीतीन काऱ्यें चलयलें. काफी- फळहार आनी विद्यार्थिंच्या बायला नाचा सवें काऱ्यें संपलें.
