തീൻ ദീസ്‍ഥാവ്ന് ലുവിസാചെം മൊഡെം മൊർഗാന്ത് ആസാ മ്ഹള്ളെം ആയ്കാല്ലെം ഹാംവെം. ലുവിസാചൊ പൂത് ശിലു ആനി സില്വെസ്ടർ മ്ഹജെലാഗിം എദൊൾ തീൻ‍പാവ്ടിം ആയില്ലെ. “ഫാദർ കിതെം പുൺ‍യീ കരാ. അശെം പപ്പാക് ആമി കിത്ലെ ദീസ് മ്ഹൺ മൊർഗാന്ത് ദവർചെം?”
മ്ഹജി ആഡ്കൾ ബിൽകുൽ നാത്‍ല്ലി. ഏക് സാസെർദൊത് ജാവ്ന് ആനി തെംയ് ഹെ ഫിർഗജിചൊ വിഗാർ ജാവ്ന് ഫിർഗജിചൊ മനിസ് മൊർതാനാ താചി കൂഡ് മാത്യെക് പാവൊംവ്ചി മ്ഹജി ജവാബ്ദാരി തെം ഹാംവ് ജാണാ. ആനി ലുവിസാചി കൂഡ് മാത്യെക് പാവൊംവ്ച്യാഖാതിർ ഹാംവ്¬ൂ തയാർ ആസ്‍ല്ലൊം. പുൺ സഗ്ളെ ഫിർഗജിക് ഫിർഗജ്‍ച് വിരോദ് ആസ്‍ല്ലി.
ഹാംവ് ഹ്യാച് വർസാ വർഗ് ജാവ്ന് ഹെ ഫിർഗജിക് ആയില്ലൊം. ജായിത്തെം ആയ്കാല്ലെം ഹാംവെം ഹെ ഫിർഗജി വിശ്യാന്ത്. ഹാംഗാ ആയില്ലൊ ഖംയ്ചൊ വിഗാർ¬ൂ സമാദാനാൻ ഗെല്ലൊ നാ. ചഡ്താവ് ആവ്ദെ പയ്ലെഞ്ച് തെ വർഗ് വിചാർതാലെ. ബിസ്പാൻ മ്ഹാകാ വിചാർതാനാ ഹാംവെം സാദ്യ് തർ ആൻ‍ഏക് ഫിർഗജ് പളെയാ സായ്ബാനൊ മ്ഹള്ളെം. പുൺ ഹാംവ് തർനാടൊ ജാല്ല്യാൻ മ്ഹാകാ ചഡിത് വിഞ്ച്ണുക് കർചെം സ്വാതന്ത്ര് നാത്‍ല്ലെം ആനി കാവ്ജെണെൻ‍ഞ്ച് ഹാംവ് ആയില്ലൊം. യേവ്ന് ആതാം ദോൻ മയ്നെ ജാതാത്. ആനി ദോൻ മയ്ന്യാംനി ഹെം പയ്ലെം മൊർൻ ആനി പയ്ല്യാ മൊർനാക്‍ച് ഹജാർ വിഗ്നാം!
ദോൻ ദിസാം ആദിം ഉപാദ്യക്ശ് വല്ലി ആയില്ലൊ. താചെ സാംഗാതാ ഗൊവ്ളിക് പരിശദെചെ ആനി ദോഗ് സാന്ദെ, സ്ട്യാനി ആനി ജൊർജി.
വല്ലിൻ ഉലവ്പാക് സുർവാത് ഘാല്ലി: “ഫാദർ, ലുവിസ് സർലാ; കാളിജ് രാവൊൻ മ്ഹള്ളെം ആയ്കാലെം. താചെം മൊർൻ ഹെ ഫിർഗജിന്ത് ബിൽകുൽ ജാംവ്ക് നജൊ. ഹി ഫകത് മ്ഹജി അബിപ്രായ് ൻഹയ്. ചഡ്താവ് സഗ്ളി ഫിർഗജ്‍ച് ഹാകാ സഹമത് ആസാ.” വല്ലിൻ മ്ഹജെ മുകാർ ഥൊഡിം കാഗ്ദാം പാത്ളായ്ലിം. ഹാംവെം വയ്ല്യാബാർ പളയ്ലെം. കുട്മാഞ്ച്യൊ ദസ്കത്യൊ. പാനാം പർതിതാനാ ദൊൻശിം വീസ് കുട്മാഞ്ച്യൊ ദസ്കത്യൊ ആസ്‍ല്ല്യൊ.
ഹാംവെം ജായ് മ്ഹൺ‍ഞ്ച് ജാപ് ദീംവ്ക് ഘളായ് കെലി. കിതെം സാംഗ്ചെം മ്ഹൺ മതിന്ത് ചിന്താം മ്ഹള്ള്യാചൊ ജോപ് താങ്കാം ജാംവ്ക് നജൊ മ്ഹൺ ഭെശ്ടെഞ്ച് ദസ്കത്യാഞ്ചെർ നാജൂക് രിതിം ദീശ്ട് ഭൊംവ്ഡാംവ്ക് ലാഗ്ലൊം.
“ഫാദർ, ആമി കൊണാചെർ‍യി ദബാവ് ഘാലുങ്ക് നാ. തശെം ദസ്കത്യൊ ജമംവ്ചി ഗർജ്‍യീ ആമ്കാം നാത്‍ല്ലി. പുൺ തുമി ഹാംഗാ നവെച് ആയ്ല്യാത് ആനി ആജൂൻ തുമി ഫിർഗജ് കുട്മാം ജാണാ ജാവ്ന്‍ഞ്ച് ആസാത് ദെകുൻ ആമി അശെം ദസ്കത്യൊ ജമയ്ല്യൊ. ജായ് തർ തുമി ഏക് ഭൊംവാഡൊ കാഡ്ന് ഹ്യാവിശിം ചഡിത് ജാണാ ജാവ്യെത്,” വല്ലി പർതുൻ ഉലയ്ലൊ.
“നാ വല്ലി, തുമി ഹ്യൊ ദസ്കത്യൊ ദബാവ് ഘാൽൻ ജമൊ കെല്യാത് മ്ഹൺ ഹാംവെം ചിന്തുങ്ക് നാ. തശെം ലുവിസാവിശിം ഹെ ഫിർഗജിക് യെംവ്ച്യാ പയ്ലെന്ഥാവ്ന്‍ഞ്ച് ഹാംവ് ജാണാ ജാലാം. തൊ വിശയ് ൻഹയ്. പുൺ തശെം മ്ഹൺ താകാ മാതി ആഡാംവ്ക് ജാതാവേ വല്ലി?” ഹാംവെം കാഗ്ദാം വയ്ലി ദീശ്ട് താഞ്ചെർ ഘുംവ്ഡാവ്ന് വിചാർലെം.
“ഫാദർ,” സ്ട്യാനിൻ തൊണ്ഡ് സൊഡ്ലെം. “ഹെ ഫിർഗജിക് ആജ് സഗ്ളെ ദിയെസെജിന്ത്‍ച് ഭാരിച് പാഡ് നാംവ് ആസാ. ഹാകാ പ്രമുക് കാരൺ ലുവിസ് ആനി താചെ ഥൊഡെ ചേലാ. ഏക് ക്രിസ്താംവ് ജാവ്ന്‍യി അൻബാവാഡ്ത്യാബരി തൊ ജിയെലാ. മീസ്, സാക്രാമെന്ത് താണെ കെദാളാ ഘെത്‍ല്ലെ കൊൺ‍യീ നെണാ, തെം സൊഡ്യാം. പുൺ ഹെ ഫിർഗജിന്ത്ല്യാ ഖംയ്ച്യാ വിഗാരാക്‍യി സമാദാനാൻ ജിയെംവ്ക് താണെ സൊഡുങ്ക് നാ. തൊ ഏക് വകീൽ മ്ഹണൊൻ ആയില്ല്യാ ചഡ്താവ് വിഗാരാഞ്ചെർ ക്ശുല്ലക് കാരണാം ഖാതിർ കേജി വയ്ര് കേജി ഘാല്യാത് താണെ ആനി ഭെശ്ടെഞ്ച് ആപെÇ്ല രാജകീയ് രുബാവ് ദാകയ്ലാ. കാനൂനാ ദിശ്ടിൻ കെദ്നാംയി ജിക്ചെം താകാ സാദ്യ് ജാലാം, പുൺ തശെം കർൻ ഹെ ഫിർഗജിചെം സമാദാൻ പിഡ്ഡ്യാർ കെലാം താണെ. ആസൊം. പുൺ താണെഞ്ച് ഏക്‍പാവ്ടിം ഹെച് ഫിർഗജിച്യാ ജുന്താ വെളാർ ഉചാർ‍ല്ലിം ഉത്രാം തുമി ആയ്കാല്ലിം തർ തുമിഞ്ച് ഒപ്തെ ആസ്‍ല്ല്യാത്‍കീ താകാ ഹാംഗാചി മാതി ഫാവൊ ൻഹയ് മ്ഹൺ…”
ഹാംവ് ദൊളെ സൊഡ്ന് താങ്കാം പളെതാലൊം. മ്ഹജെ മുകാർ ബസ്‍ല്ലെ മാനായ് ബരെ മനിസ്, നിതിചെ ആനി ലൊകാമൊഗാൾ മ്ഹള്ളെം മ്ഹാകാ ഗം‍ല്ലെം. തിത്ലെം മാത്ര് ൻഹയ് ഫിർഗജിന്ത് താങ്കാം ബരൊ മാൻ ആസ്‍ല്ലൊ ആനി ഖംയ്ച്യാ കാര്യാക്‍യീ സദാം മുകാർ ആസ്ചെ വെക്തി തെ. പുൺ ലുവിസാവിശിം മാത്ര് താഞ്ചൊ നിർദാർ ഖരൊ ആസ്‍ല്ലൊ മ്ഹള്ളെം മ്ഹാകാ നക്കി ജാല്ലെം.
ആതാം ഉലംവ്ചി സർതി ജൊർജിചി: “തീൻ വർസാം ആദ്ലി ഗജാൽ ഫാദർ. ഇഗർജെന്ത് ജുന്ത് ദവർ‍ല്ലൊ തെദാളാചൊ വിഗാർ ബാ| മാന്വെലാൻ. വിശയ് സിമിസ്ത്രെവിശിം. ഥൊഡ്യാഞ്ചി അബിപ്രായ് മ്ഹള്യാർ സിമിസ്ത്രെചൊ ജാഗൊ ഉണൊ ദെകുൻ കുട്മാംനി ജാഗൊ അമാനത് കർൻ സർ‍ല്ല്യാങ്ക് ഫെÇണ്ഡ് ബാന്ദ്ചി രിവാജ് സൊഡിജെ ആനി അശെം ചഡിത് ജാഗൊ ഉർതാ ഇത്യാദി. പുൺ മാഗിർ ഥൊഡ്യാഞ്ചി അബിപ്രായ്, ഫെÇണ്ഡ് ബാന്ദ്ചെം മ്ഹള്യാർ ഫകത് എക്ല്യാക് മാത്ര് താന്തും പുർചെം മ്ഹൺ ൻഹയ്, കുട്മാന്ത് മെല്ല്യാ സഗ്ള്യാങ്ക് ത്യാച് ഫെÇണ്ഡാന്ത് പുര്യെത് ജാല്ല്യാൻ ജാഗൊ വിബാഡ് ജാംവ്ചെം സവാൽ നാ; മാത്ര് ൻഹയ് സർ‍ല്ല്യാ കുട്മാഞ്ച്യാ സാന്ദ്യാങ്ക് ഗവ്രവ് ദിംവ്ചൊ ഏക് ഭാവനാത്മക് ആനി സുക്ശിം വിശയ് ജാല്ല്യാൻ കൊണാക് താങ്ക് ആസാ താങ്കാം ഫെÇണ്ഡ് അമാനത് കരുങ്ക് ആവ്കാസ് കർൻ ദീജെ. അശെം ചർചാ ചലൊൻ‍ഞ്ച് ആസ്‍ല്ലി. ആനി തെദാളാ ഉട്‍ല്ലൊ ലുവിസ്…”
മുക്ലി കാണി ഉപാദ്യക്ശ് വല്ലിൻ മുന്ദരിലി. “ഫാദർ, സാംഗൊൻ സാംഗൊൻ ലുവിസ് ഏക് വകീൽ. തൊ ഉലയ്താനാ സാദാരൺ കൊണെംയ് താചെലാഗിം ദബാസുഞ്ചെം അസാദ്യ്. തൊ കിതെം മ്ഹണാലൊ ജാണാന്ത്‍ഗീ? `‘ഫെÇണ്ഡ് അമാനത് കർചെം, ഫെÇണ്ഡ് ബാന്ദ്ചെം.. മെല്യാ ഉപ്രാന്ത്‍യീ ഹ്യാ പയ്ശാഞ്ച്യാ ദന്ദ്യാഥാവ്ന് ആമ്കാം സുട്കാ നാംഗീ? സർവ് ബന്ദ് കരാ ഹെം, ഫെÇണ്ഡ് അമാനത് കർചെം ബിസ്‍നെസ്. തുമി വിഗാരാംനി മെല്ല്യാങ്ക് സിമിസ്ത്രെന്ത് പുർച്യാക്‍യീ ഇലെക്ട്രിക് ഉജ്യാന്ത് ഹുൽപൊങ്ക് പെÇ്രീത്സാഹ് ദീജയ്’’.
ബാ| മാന്വെൽ ഭാരിച് സൊസ്ണികായെചൊ മനിസ്. താണെ ലുവിസാക് സാംഗ്ലെം, “പളെ ലുവിസ്, തുവെം സാംഗ്ച്യാന്ത് രാജാംവ് നാ മ്ഹൺ ൻഹയ്. പുൺ കൊണെംയീ മൊർതാനാ താഞ്ച്യാ കുട്മാച്യാഞ്ചെർ മൊർണാചെ രിവാജെവിശിം ദബാവ് ഘാലുങ്ക് ജായ്നാ. ഹൊ ഏക് ഭാവാഡ്താചൊ ആനി സിന്തിമെന്താൾ വിശയ്.’’
`തിത്ലെം മ്ഹള്ള്യാക് ലുവിസാൻ താളൊ ആനികീ വ്ഹഡ് കെലൊ. `‘കസലൊ ഭാവാഡ്ത്, കസലിം സിന്തിമെന്താം? തുമ്കാം പയ്ശെ കരുങ്ക് ആൻ‍ഏക് വാട് മ്ഹണാ. തുമ്ച്യാ സാസെർദൊതാഞ്ച്യാ അസല്യാ ഭികാഡ്ഡെപണാൻ‍ഞ്ച് ആജ് ആമ്ചെ സമഡ്തെക് പാഡ് നാംവ് ആയ്ലാം. ഹാംവ് മൊർതാനാ, മ്ഹാകാ നാകാ തുമ്ചി മാതി, മ്ഹാകാ നാകാ തുമ്ചി സിമിസ്ത്ര്’’.
“വ്ഹയ് ഫാദർ, തശെം സഗ്ളെ ഫിർഗജി മുകാർ ആപ്ണാക് ഹാംഗാചി മാതി നാകാ മ്ഹൺ ജാഹീർ കെല്ല്യാ ലുവിസാക് ആമ്ചെ ഫിർഗജിചി മാതി ബിൽകുക് നജൊ ഫാദർ. ആൻ‍ഏക് വിശയ് തുമ്കാം സാംഗ്താം. ഹ്യാ മൻശാൻ തുമ്ച്യാ പയ്ലെം ആയില്ല്യാ ദൊഗാം വിഗാരാഞ്ചെർ കേജി ഘാല്യാത്. ബാ| മാന്വെലാ വയ്ര്, ഫിർഗജിചൊ ജാഗൊ അക്രം രിതിം ഭിതർ ഘാൽൻ ദന്ദൊ കെലാ മ്ഹള്ളി കേജ് തർ, താച്യാകീ പയ്ലെഞ്ച്യാ ബാ| ആബെലാചെർ ഗൊവ്ളിക് പരിശദെച്യാ ചുനാവാന്ത് അക്രം ഘഡ്ലാം ആനി സംവിദാനിക് രിതിൻ ചുനാവ് ചലൊങ്ക് നാ മ്ഹള്ളൊ ആരോപ് മാണ്ഡുൻ ആൻ‍ഏക് കേജ് ഘാല്യാ. ഹ്യൊ കേജി ആജൂൻ ചലൊൻ ആസാത്. തിത്ലെം മാത്ര് ൻഹയ്, ഫിർഗജിന്ത്ല്യാ സബാരാഞ്ചി ഭുംയ് താണെ അന്യായാൻ കോർട്, കേജ് മ്ഹൺ ലുട്ല്യാ ഫാദർ. ഇത്ലെം പൂരാ കെല്ല്യാ മൻശാക് ഹാംഗാ മാത്യെക് പാവയ്ല്യാർ ലൊകാക് ലോക് ഉൽടൊ രാവാത്. കിത്യാക് വിശയ് ഭാരിച് ഗംബീർ ഹൊ. പുൺ താണെഞ്ച് സാംഗ്‍ല്ല്യാബരി താകാ ഇലെക്ട്രിക് ക്രിമെടോരിയമാന്ത് ഹുൽപാംവ്ക് താച്യാ കുട്മാക് സാംഗാ. കൊണാക്‍ച് വായ്ട് ഭൊഗ്ചെം നാ.”
ഹാംവ് ഘഡ്യെക് ചിന്തുങ്ക് പഡ്ലൊം. അസലൊ ഏക് സമസ്സൊ ഫുഡ് കർചൊ ഹാംവെം ഹെഞ്ച് പയില്ലെ പാവ്ടിം. ഏക് മേട് ചൂക് കാഡ്ല്യാർ‍യീ പരിഗത് പുർതി വായ്ട് രാവ്താ തെം ഖണ്ഡിത്. തശെം മ്ഹൺ കസലൊ തരീ നിർദാർ തുരന്ത് ഘെനാ തർ‍യീ പരിഗത് സുദാർനാ മ്ഹള്ളെംയീ സത്.
ഥൊഡെം ചിന്ത്ല്യാ ഉപ്രാന്ത് ഹാംവെം ജാപ് കാഡ്ലി: “തുമി സാംഗ്‍ല്ലെം ഹാംവ് മാന്ദ്താം. ലുവിസ് സഗ്ളെ ഫിർഗജിചെർ ഉൽടൊ രാവ്ലാ ആനി വിഗാരാഞ്ചെർ ഭെശ്ടെഞ്ച് താണെം അപ്രാദ് മാണ്ഡ്ല്യാത് ആനി ഹ്യാ വർവിം താകാ ഹാംഗാ മാതി ദീംവ്ക് നജൊ… തുമ്ചൊ വാദ് എകെ ദിശ്ടിൻ സാർകൊച്. തെംയീ സഗ്ളി ഫിർഗജ് വിരോദ് ആസാ മ്ഹള്ളെംയീ ഹാംവ് മാന്ദ്താം. താച്യാകീ ചഡ് കർൻ ജർ ഹാംവെം ലുവിസാചെം മോർൻ ഹാംഗാ കെലെം, സഗ്ളി ഫിർഗജ്‍ച് മ്ഹജെർ ഉപ്രാട്തെലി തെംയീ ഹാംവ് ജാണാ. പുൺ ഹാകാ സർവ് പര്യാർ തുമി സാംഗ്ചെ തിത്ലൊ സലീസ് മ്ഹൺ ഹാംവ് ചിന്തിനാ. തൊ ആതാം സർലാ, മെല്ല്യാ മൻശാൻ ജീവ് ആസ്താനാ കസലിം കസലിം നാകാരി കാമാം കെല്യാന്ത് ത്യാ വിശിം തൊ മെല്യാ ഉപ്രാന്ത് ഗുമാൻ ദീംവ്ക് നജൊ, താകാ ഭൊഗ്ശിജെ ഇത്യാദി ഇത്യാദി ഹാംവ് ഹാംഗാസർ ഉലയ്നാ. പുൺ കാനൂനാചെ ദിശ്ടിൻ പളെയാ: ലുവിസ് കായ്ദ്യാ പ്രകാർ ഹെ ഫിർഗജിചൊ ലായിക്. താണെ അന്വാൽ ഥൊഡ്യാ വർസാന്ഥാവ്ന് ബാന്ദുങ്ക് നാ ജാംവ്ക് പുരൊ, പുൺ ഫിർഗജെച്യാ രിജിസ്ടരാന്ത് താചെം നാംവ് ആജൂൻ ആസാ; താചെം ആനി താച്യാ കുട്മാച്യാ സാന്ദ്യാഞ്ചിം നാംവാം ബാവ്തിസ്മാച്യാ രിജിസ്ടരാന്ത് ആസാത് ആനി തൊ കാനൂനാ പ്രകാർ ഏക് ക്രിസ്താംവ് ആനി ഹെ ഫിർഗജെചൊ സാന്ദൊ. ഫിർഗജെച്യാ സാന്ദ്യാക് ആമി മാതി ചുകയ്ല്യാർ കാനൂനാ ദിശ്ടിൻ ആമി ചുകിദാർ ജാതാംവ്. ഫാല്യാം സകാളിം താച്യാ ഭുർഗ്യാംനി കേജ് ഘാലി തർ ഹെ ഫിർഗജിചൊ മുകെലി ജാവ്ന് ഹാംവെം അനാവശെം ലപ്ഡ്യാന്ത് പഡാജെ പഡ്തലെം.
“താച്യാകീ ചഡ് കർൻ ഹെ ഒട്ടാരെ വാഡാവളെചി ആൻ‍ഏക് കൂസ് പളെയാ. വ്ഹയ് ലുവിസാൻ ഹെ ഫിർഗജിക് കെല്ല്യാ ബരെപണാച്യാകീ ചഡ് അന്യായ് കെലാ. ഹാംവ് തെം ഒപ്താം. തശെം മ്ഹൺ എകാ ക്രിസ്താംവ് മൻശാക് താചെച് ഫിർഗജിന്ത് മാതി മെൾനാ തർ ഒട്ടാരെ ക്രീസ്തി സമുദായാക്‍ച് ഹൊ ഏക് ഉണെപണാചൊ വിശയ് ജാവ്ന് വർതവ്തലൊ. ഹാംവെം അശെം മരൺ പാവ്‍ല്ല്യാ കാതൊലികാക് ഖംയ്ചെയ് ഫിർഗജിന്ത് മാതി ചുകയില്ലി എദൊൾ ആയ്കൊങ്ക് നാ…”
ഥൊഡൊ വേൾ ഥംയ്സർ മാവ്ന് വിസ്താർലെം. ഹാംവെം സാംഗ്‍ല്ലെം താങ്കാം അർത് ജാലെം മ്ഹൺ ഭൊഗ്ലെം മ്ഹാകാ. തരികീ താങ്കാം തിത്ലെ സലീസായെൻ സമാദാൻ ജാംവ്ചെം അസാദ്യ് മ്ഹൺ മ്ഹാകാ കൾ‍ല്ലെം. ലുവിസാൻ ഹെ ഫിർഗജിച്യാ ലൊകാക് ആനി വിഗാരാങ്ക് അനാവശ്യ്, അർത് നാത്‍ല്ല്യാ അരാജാംവിക് ഹഗ്യാൻ ദുകയ്ലാം മ്ഹള്ള്യാചി ഗുമാനി മ്ഹാകാ ആസ്‍ല്ലി.
“ഫാദർ,” വല്ലി ഉലയ്ലൊ. “തുമി സാംഗ്‍ല്ലെം സാർകെം വ്ഹയ്. പുൺ ഫിർഗജിചൊ ലോക് ഒപെÇ്ചനാ ഫാദർ. ലോക് ഉപ്രാട്തലൊ. കാനൂനാ ദിശ്ടിൻ താകാ മാതി നെഗാരുങ്ക് ജായ്നാ മ്ഹൺ തുമി ഫാല്യാം താകാ മാതി ദീംവ്ക് വെശാത് തർ, ഹാംഗാസർ വ്ഹഡ്ലൊ ഗലാടൊ ജാവ്ന് പ്രതിഭടൻ ജാംവ്ചി സാദ്യതായ് ആസാ. മാഗിർ പെÇലിസാഞ്ചെ സുപാർദെന്ത് കശെംയ് ലുവിസാചെം മോർൻ ജാതെലെം മ്ഹണ്യാം, പുൺ തിത്ല്യാർ ഹെ ഫിർഗജിചെം നാംവ് ആനികീ ചഡ് ഘാൺതെലെം, പത്രാംനി നാകാ ജാല്ലെം ഛാപുൻ യെതെലെം. ദെകുൻ‍ഞ്ച് ഹാംവെം മ്ഹൺചെം ഖംയ്ച്യാകീ ദർവഡൊൻ ആമി നിർദാർ ഘെംവ്ക് നജൊ..”
താണെ സാംഗ്ച്യാന്ത് രാജാംവ് ആസ്‍ല്ലെം. ഫിർഗജിച്യാ ലൊകാക് നിശ്ടുർ ജാവ്ന് ഹാംവെം കസലൊയ് ദർവഡ്യാചൊ നിർദാർ ഘെംവ്ക് സാദ്യ് നാത്‍ല്ലെം. തശെം മ്ഹൺ എകാ ഫിർഗജ്‍ഗാരാക് ഇഗർജെചി ഹക്കാചി മാതി ആഡാവ്ന് താച്യാ കുട്മാ മുകാർ ആനി ചഡ് കർൻ മ്ഹജ്യാച് കൊശെഡ്ദാ മുകാർ ഗുന്യാംവ്കാർ ജാംവ്ചെം മ്ഹാകാ ബരെം ദിസാനാത്‍ല്ലെം.
ഥൊഡെം ചിന്ത്ല്യാ ഉപ്രാന്ത്, ഥൊഡൊ വേൾ ദിയാ, ചഡിത് ഹ്യാ വിശിം ആടവ്ന് നിർദാർ ഘെവ്യാം മ്ഹൺ സാംഗൊൻ ഹാംവെം ത്യാ തെഗാംയ് മാനെസ്താങ്ക് കശെംയ് പാടിം ധാഡ്‍ല്ലെം.
ത്യാ ഉപ്രാന്ത് ആതാം ഹൊ തിസ്രൊ ദീസ്. നിർദാർ ആജൂൻ ഹാംവെം ഘെംവ്ക് നാത്‍ല്ലൊ. ഹ്യാ മദെം സർ‍ല്ല്യാ ലുവിസാചൊ പൂത് തീൻ പാവ്ടിം മ്ഹാകാ മെളൊങ്ക് ആയില്ലൊ. പയില്ലെ പാവ്ടിം യെതാനാ തൊ സൊസ്ണികായെചൊ ആനി ഖാൽത്യാ ജിനൊസാചൊ മ്ഹൺ ഹാംവെം ചിന്ത്‍ല്ലെം.
“ഹാംവ് ജാണാ ഫാദർ, മ്ഹജ്യാ പപ്പാൻ ചൂക് കെല്യാ,” താണെ മ്ഹള്ളെം. “തശെം മ്ഹൺ താകാ മെല്യാ ഉപ്രാന്ത്‍യീ അശെം ശിക്ശാ ദിംവ്ചി സാർകെം മ്ഹൺ ദിസാനാ. തൊ ആതാം സർലാ ജാല്ല്യാൻ താചെ സവെം സർവ് മുഗ്ദാതാ. താണെ ഘാല്ല്യൊ കേജിയീ നുല്ല് ജാതാത്. താചെദ്വാരിം ഫിർഗജിക് കളങ്ക് ആയ്ലാം തെംയീ ഹാംവ് മാന്ദ്താം ആനി ജായ് തർ സർവാം മുകാർ മാഫി മാഗൊങ്ക്‍യീ ഹാംവ് തയാർ ആസാം. പുൺ ദയാ കർൻ പപ്പാക് സിമിസ്ത്രെന്ത് പുരുങ്ക് അവ്കാസ് കർൻ ദിയാ.”
“പളെ ശിലു,” ഹാംവെം ജാപ് ദില്ലി. “തും സമ്ജണെചൊ മനിസ്. മ്ഹാകാ തുജ്യാ പപ്പാക് മാതി ആഡാംവ്ക് ബിൽകുൽ മൻ നാ. പുൺ ഹ്യൊ ദസ്കത്യൊ പളെ,” ഹാംവെം താകാ ദസ്കത്യാഞ്ചിം കാഗ്ദാം ദാകയ്ലിം. “ജർ ഹെം മൊർൻ ഹാംവ് ഹാംഗാ കരിൻ, ഖണ്ഡിത് ഹാംഗാസർ പ്രതിഭടൻ ജാതെലെം ആനി ഹെ ഫിർഗജിചെം നാംവ് ആനികീ ചഡ് വിബാഡ് ജാതെലെം. തുവെഞ്ച് സമ്ജൊൻ കിതെം തർ‍യീ കരിജെ. തും ഒപ്തായ് തർ, സെജാർചെ ഫിർഗജിന്ത് മർണാ വിദി കർൻ ഉപ്രാന്ത് ഇലെക്ട്രിക് ക്രിമെടോരിയമാന്ത് മർണാ വിദി തിർസിയെത്.”
“നാ ഫാദർ, തശെം ജാംവ്ചെം നാ,” ശിലു ഒപെÇ്വങ്ക് നാത്‍ല്ലൊ. “ഹെം ആമ്ച്യാ ഭൊഗ്ണാഞ്ചെം സവാൽ. താച്യാകീ ചഡ് കർൻ സർ‍ല്ല്യാ ആമ്ച്യാ പപ്പാക് മാനാചെം മോർൻ ദീവ്ന് ഗവ്രവ് ദിംവ്ചെം സവാൽ. ദയാ കർൻ കിതെം തരീ കരാ.” `ജിവന്ത് ആസ്താനാ തുജ്യാ ബാപായ്ന്‍യീ അശെഞ്ച് ചിന്ത്‍ല്ലെം തർ ആതാം ഹി ഗത് ഉദെനാത്‍ല്ലി’ മ്ഹൺ ഹാംവെം മതിന്ത്‍ച് ചിന്ത്ലെം.
തശെം താണെ മ്ഹള്ളെം കാൽ. പുൺ ആജ് സകാളിം ആയില്ലൊ ശിലു നിജാകീ ഖുബാൾ‍ല്ലൊ. “ഫാദർ, മ്ഹജ്യാ പപ്പാചെം മോർൻ ഹെ ഫിർഗജെന്ത് ജാതാഗീ നാ തെം സാംഗാ. മുകാർ കിതെം കരിജെ ഹാംവ് കർതാം.”
“ശിലു, സമ്ജൊഞ്ചെം പ്രേതൻ കർ…”
“സമ്ജൊഞ്ചെം കാംയ് നാ ഫാദർ. മെല്യാ ഉപ്രാന്ത്‍യീ എകാ മൻശാ വയ്ര് തുമി സർവാം മെളൊൻ ഹഗെം കാഡ്താത് തർ, ഹാകാ ക്രിസ്താംവ് ധർം മ്ഹണാനാന്ത്. ആജ് സാഞ്ജെ ഭിതർ മ്ഹാകാ തുമി തുമ്ചൊ നിർദാർ കളയ്നാന്ത് തർ, ഫാല്യാം പപ്പാചെം മൊഡെം ഹാഡ്ന് ഹാംവ് ഇഗർജെച്യാ മുകാർ ദവർതലൊം ആനി സർവ് മീഡിയാങ്ക് ആപവ്ന് ഹാഡ്തലൊം.”
ബാപായ്ച്യൊ ഥൊഡ്യൊ ഥൊഡ്യൊ അർഗാണ്ടി ബുദി പുതാക്‍യീ ആയ്ല്യാത് തെം താണെ രൂപ് രൂപ് ജാഹീർ കെല്ലെം.
തശെം ശിലു ധമ്കി ദീവ്ന് വചൊൻ ആതാം വൊരാം ദോൻ ഉതർതാത്. ഹാംവ് ഖംയ്ച്യാ നിർദാരാകീ യേനാസ്താം ആജൂൻ അസൊച് ബസൊൻ ആസാം. ബിസ്പാകഡെ ഉലൊംവ്‍ഗീ മ്ഹൺ ഏക് പാവ്ടിം ചിന്ത്ലെം. പുൺ ഭെശ്ടെഞ്ച് താകാ മദെം ഘാൽചെം സാർകെം ൻഹയ് മ്ഹൺ ദിസ്ലെം. ഹാംഗാ ആസ്‍ല്ല്യാ ആദ്ല്യാ ദൊഗാം വിഗാരാംലാഗിം എദൊൾ‍ച് ഹാംവ് ഉലയില്ലൊം. ലുവിസാവിശിം ഖരെഞ്ച് താങ്കാം ശിൺ ആസ്‍ല്ലൊ ആനി ഹെ ഫിർഗജെന്ത് സാർ‍ല്ലിം വർസാം താഞ്ചെ ജിണിയെചിം ബൊവ് കശ്ടാഞ്ചിം വർസാം മ്ഹൺ ദൊഗാംയ്ചി അബിപ്രായ് ജാവ്ന് ആസ്‍ല്ലി. തശെം മ്ഹൺ ആതാം സമൊർ ആയില്ല്യാ സങ്കശ്ടാക് താഞ്ചെലാഗിം പര്യാർ നാത്‍ല്ലൊ.
ഹ്യാ മദെം കാൽ രാതിം മ്ഹാകാ ഏക് മാരെകാർ സപൺ‍യീ പഡ്‍ല്ലെം. ഇഗർജെ മുകാർ ചികാർ ഗഡ്ദി. മദെഞ്ച് ലുവിസാചി നിർജീവ് കൂഡ്; രാസ്‍ബർ പെÇലിസ്, പെÇലിസ് വെനാം. ഉപ്രാന്ത് മ്ഹാകാ കയ്ദ് കർൻ പുർശാംവാർ മ്ഹള്ള്യാബരി സ്ടേശനാക് വ്ഹർചെം ദൃശ്യ്…
ഹ്യാ തീൻ ദിസാംനി നിജാകീ ഹാംവ് ഹയ്രാൺ ജാല്ലൊം. മതിന്ത് വിവിദ് ചിന്ത്നാം. കസലൊ നിർദാർ ഘെംവ്ചൊ മ്ഹള്ളെവിശിം മതിക് കിതെഞ്ച് ഝൾകാനാത്‍ല്ലെം. ആജ് സാഞ്ജെ ഭിതർ കാംയ് തരീ ചിന്തിനാ തർ പരിഗത് ഖണ്ഡിത് ഭിഗഡ്തലി.
ബൊട്ലെരാൻ ദില്ലി ച്ഹാ പിയെവ്ന് ഹാംവ് ഭായ്ര് ആയ്ലൊം. ഭാരീക് പാവ്സ് പഡ്താലൊ. സത്രി ഘെവ്ന് ഇഗർജെ വടാരാന്ത് ചവ്കാസ് ചലൊങ്ക് ലാഗ്ലൊം. ഇഗർജെച്യാ സാമ്കാർ‍ച് സിമിസ്ത്ര്. ആദ്ല്യാ വിഗാരാൻ ദൊരൊ ബാന്ദ്‍ല്ലൊ മാത്ര് ൻഹയ്, സുവാത് നിതൾ ആനി ആകർശക് കെല്ലി. പാംയ് മ്ഹജെ ആപ്ശെച് സിമെസ്ത്രെ തെവ്ശിം ഘുംവ്ലെ. മെടാം ചഡൊൻ സിമെസ്ത്രെക് രിഗ്താനാ ശീദാ മുകാർ ആസ്ചൊ ഖുരിസ് ദിസ്താലൊ. ഹാംവ് മദ്ല്യാൻ ചലൊൻ ഖുർസാ മുളാക് ആയ്ലൊം. വ്ഹഡ് ഖുരിസ് ആനി ഖുർസാർ ഉമ്കാൾചൊ സൊമി. താച്യാ ഖിളായില്ല്യാ പാംയാം മുളാന്ത് വാഞ്ജെലാന്ത്ലിം ഉത്രാം: ‘ബാപാ താങ്കാം ഭൊഗ്ശി.’ ലുവിസാക് ക്രിസ്ത് മാതി നെഗാരിത്‍ഗീ മ്ഹൺ ഹാംവ് ചിന്ത്ച്യാർ പഡ്ലൊം. ആപ്ലെ ബഗ്ലെക് ആസ്‍ല്ല്യാ ചൊരാക് താണെ സർഗ് ഭാസായില്ലൊ! ഹാംവെം ആതാം ഫുഡ് കർചൊ സമസ്സൊ ക്രിസ്താൻ ചൊരാക് ഭൊഗ്ശില്ല്യാ തിത്ലൊച് സലീസ് കിത്യാക് ജാംവ്ക് നജൊ ആസ്‍ല്ലൊ മ്ഹൺ ഭൊഗ്ലെം മ്ഹാകാ.
മത് മാത്ര് ചിന്ത്നാഞ്ചൊ ഘൊണ്ടെർ ജാല്ലൊ. കസലൊ നിർദാർ ഘെത്ല്യാർ‍യീ പരിസ്ഥിതി ഭിഗ്ഡാതെലി ഖണ്ഡിത്. ഏക് നിർദാർ ഘെത്ല്യാർ പ്രതിഭടൻ, പെÇലിസ്, പത്രാംനി ഫിർഗജെചി വീദ്‍വാവ്ളി. ആൻ‍ഏക് നിർദാർ ഘെത്ല്യാർ ബഹുശ കോഡ്ത്, കേജ്; കോൺ ജാണാം സപ്ണാന്ത് പളെല്ലെബരി പെÇലിസ് മ്ഹാകാ കുഡാംവ്ക്‍യീ പുരൊ…
സെമിനരിന്ത് ശിക്താനാ മ്ഹജ്യാ എകാ പെÇ്രഫെസാരാൻ സാംഗ്‍ല്ലിം ഉത്രാം ത്യാ ഖുർസാ മുളാന്ത് ഉബൊ ആസ്താനാ കിത്യാക്‍ഗീ ഉഡാസാക് ആയ്ലിം. താണെ മ്ഹള്ളെം: `‘ആമി ഖംയ്ചൊയീ നിർദാർ ഘെതാനാ ലോക് കിതെം ചിന്ത്താ, പരിഗത് കശി രാവാത്… ഹെഞ്ച് ചിന്ത്താംവ്. പുൺ കെദാളായീ ദേവ് കിതെം ചിന്ത്താ മ്ഹള്ളെവിശിം ലെകാക്‍ച് ഘെനാംവ്. ഹർ‍എകാ ആമ്ച്യാ നിർദാരാന്ത് പയില്ലെം ആമി വിചാരിജെ ജാല്ലെം സവാൽ, ദേവ് ഹ്യാവിശിം കിതെം ചിന്ത്താ….?’’
തിം ഉത്രാം ഉഡാസാക് ആയില്ലിഞ്ച് ജിവാന്ത് എകെ രിതിം നിരാൾ ഭൊഗ്ലൊ മ്ഹാകാ. പാവ്സ് ആതാം മാത്സൊ മൊടൊ ജാവ്ന് യെതാലൊ. ഖുർസാചൊ ഉമൊ ഘെവ്ന് ഹാംവ് പാടിം പർതാലൊം. നിർജീവ് കുഡിങ്ക് നികെപില്ല്യാ ഫൊണ്ഡാം മദ്ല്യാൻ ചലൊൻ സിമിസ്ത്രെചിം മെടാം ദെംവ്ച്യാ പയ്ലെം ഹാംവെം നിർദാർ കർൻ ജാല്ലൊ.
