അസ്തിത്വ്

സബാർ ദിസാം ഉപ്രാന്ത് ആജ് ഹാംവെം അശ്ര്യാന്ത് പളയ്ലെം.

മ്ഹജെഞ്ച് പ്രതിരൂപ്….

മ്ഹജ്യാൻ പാത്യെംവ്ക് ജാലെം നാ… പത്ര്യാൻ വരൊവ്ന് പളയ്ലെം.

ചാളീസ് വർസാങ്ക്ച് കേസ് ധവെ ജാല്ലെ. തൊണ്ഡാർ മിരിയൊ പഡ്ല്ല്യൊ …

“വളക് മെൾതാഗീ തുകാ തുജി….?” സുജയാ ഹാസ്ലെം.

“ഹാം… ഹാംവ് മ്ഹജ്യാ പ്രായെച്യാക്യി’ മൊസ്തു വ്ഹഡ് ദിസ്താം….” വാശ് ബേശിനാന്ത് ഹാംവെം തൊണ്ഡ് ധുലെം.

കശി ആസ്ല്ലിം  ഹാംവ്…. കശിം ജാലിം…?

തെം സൊബായെചെം രൂപ് ആജ് ഖംയ്ഗീച മായാഗ് ജാല്ലെം ജശെം പ്രഭാ നായക് മായാഗ് ജാല്ല്യെ പരിം.

പ്രഭാ ആസ്ല്ലിം  ഹാംവ് രവി ലാഗിം ലഗ്ന് ജാവ്ന് രമാ ജാല്ലിം.

രവി ഖാതിർ… ഹ്യാ നവ്യാ ജിവിതാ ഖാതിർ നാംവ് ബദ്ലുഞ്ചി ഗർജ് ആസ്ല്ലില…? തര്യ്ാ ഹാംവെം കാംയ് അക്ഷേപ് കെല്ലൊ നാ… രിവാജ് മ്ഹണുൻ സബ്ദ് കാഡ്ല്ലൊ  നാ… കെദ്നാം പ്രഭാ ഥാവ്ന് രമാ ജാല്ലിംഗീ… തെദ്നാഞ്ച് ഹാംവെം… മ്ഹജെം അസ്തിത്വ് ഹൊഗ്ഡായില്ലെം…. രംഗ്മംഞ്ചാർ ഹാംവ് ഫകത് ഏക് പാത്ർധാ്രി… മ്ഹജൊ പാത്ര് ഖെൾച്യാന്ത്… ഹാംവെം കിതെഞ്ച് ഉണെപൺ കെല്ലെം നാ… ഹരെകാ പാത്രാക് ഹാംവെം ജീവ് ഭർല്ലൊജ… പൂൺ ആജ്… സവാൽ മ്ഹജ്യാ അസ്തിത്വാചെം…. ഹെഡ് ആഫിസാ ഥാവ്ന് ഭഡ്തെ സവെം ചെന്നൈ ബ്രാഞ്ചാക് ട്രാൻസ്ഫ്ര് ആർഡർ യെതാനാ….

പർദെ ഉഗ്തെ ജാലെ…

ദൃശ്യാം ബദല്ലിം….

ഭർലല്യാ കുട്മാന്ത് എക്ച് അവാജ്…

“ട്രാൻസ്ഫുർ ക്യാൻസൽ കർ….” തെം അസാധ്യ് മ്ഹൺ കൾതാനാ… “വി.ആർ.എസ്. ഘെ…..” പാടിക് പഡ്ല്ലിം .

പന്ദ്രാ വർസാം… മ്ഹജ്യാ കാമാ നിമ്തിം ഘർച്യാ ഹരെകാ സാന്ദ്യാൻ താഞ്ച്യൊ ആർഥിക് ഗർജൊ സുധാർസുൻ ഘെത്ലല്യൊ… ആജ് താങ്കാം മ്ഹജ്യാ കാമാന്ത് ആസക്ത് നാത്ലി…. ഹാംവ് മ്ഹജ്യാ ക്യാബിനാക് ആയ്ലിം. പാട്ല്യാൻ സുജയാ “ഏക്പാിവ്ടിം വചുൻ യെ… തും നാസ്താനാ തുജെം ഘർ ബര്യാൻ ചൽതലെം…” സുജയാൻ ധൈർ ദിലെം.

“കശെം ജാതാ സുജി? മാംയ്-മാവാങ്ക് ദൊഗായ്കി പ്രായ് ജാവ്ന് ആയ്ലി. ആനി മ്ഹജിം ദൊഗാംയ് ചെഡ്വാം ഭുർഗിം ആതാതാം വ്ഹഡ് ജാല്യാന്ത്…. ദെകുൻ സഗ്ള്യാങ്ക്യിജ നാ ഖുശി….

“വ്ഹയ് താങ്കാം… ഘർദാ്ർ സാംബാളുങ്ക് എക്യെ സ്ത്രിയെചി ഗർജ് ആസാ… തുജ്യാകി ചഡ് പാത്യെണെചി ആനി കൊൺ മെളത്…? സുജി താച്യാ ക്യാബിനാക് ഗെലെം.

സത് ഹാംവ് ജാണാം ആസ്ലിം…

“ഗർജ് ആസ്ല്ലിാ മ്ഹജ്യാ പയ്ശാഞ്ചി… പ്രായെക് പാവ്ല്ല്യാ  രവിച്യാ ദൊഗാം ഭയ്ണ്യാഞ്ചെം കാജാർ കരുങ്ക്… വി.ആർ.എസ്. ഘെവ്ന് മെൾല്ല്യാ  ഥൊഡ്യാ പയ്ശാംനി ഹാഞ്ചെം കാജാർ കെലെം തർ… ഫാല്യാം മ്ഹജി ഗത് കിതെം…? മ്ഹജ്യാ ഭുഗ്ര്യാഞ്ചെം ഭവിഷ്യ് കിതെം..?

“വൈനി… തുകാ യുനിവർസിടിന്ത് ഗൊൽഡ്              മെഡൽ മെള്ള്യാർ കിതെം ജാലെം? തുജ്യാൻ രാന്ദ്ണിചൊ ഗൊബർ കാഡിനാസ്താം രാവുങ്ക് ജാലെം? ആനി രാന്ദ്ണിചൊ ഗൊബർ കാഡ്തല്യാങ്ക് quചിടiജിiഛിചിണioടി കിത്യാക്…? അട്രാ ജാതാനാ കാജാർ കർൻ ധാഡ്ല്യാർ ജാലെം….” രവിചൊ ഭാവ് ഹാസ്ലൊ.

ഹാംവെം എകാ സർപാക് പൊസ്ല്ലെം ?… മ്ഹാകാ ഹാകാ ഇഞ്ജിനിയരിംഗ് ശികൊംവ്ചി ഗർജ് നാത്ലി…

ആജ് ഹാംവ് രാന്ദ്ണിചൊ ഗൊബർ കാഡ്താം വാ ഘർ-ദാർ സാംബാൾതാം തർ… തെം മ്ഹജ്യെ ഥംയ് ആസ്ചെം ബരെപൺ… മ്ഹജ്യാ ആവയ്-ബാപായ്ന് മ്ഹാകാ ദില്ലെം സംസ്കാർ… ആനി ഹാംവ് കാമാക് വെതാം മ്ഹള്ള്യെ ഖാതിർ ഹിം സഗ്ളിം ആൾശി ജാതാനാ…. ഹാംവ് ഘൊൾചെം ഏക് യന്ത്ര് ജാല്ലിം….

എകാ ഫാന്ത്യാർ ഉടുൻ സകാളിഞ്ചൊ നഷ്ടൊ… ദൊൻപാരാഞ്ചെം ജെവൺ രാന്ദുൻ ദവ്രുൻ ബ്യാങ്കാക് വച്… സാഞ്ജെർ യെതാനാ പത്ര്യാൻ തശെഞ്ച് കാം… മ്ഹജ്യാ ബാൾശ്യാഞ്ചെം നീബ് ദിവ്ന് ഹിം അരാമായെൻ ദീസ് ലൊട്താലിം…. ക്രമേൺ ഹെം സവയെർ പഡ്ല്ലെം ….

മഹിന്യാചി ഏക് താരിക് യെതാനാ സാംബാൾ ജാലൊഗി മ്ഹൺ ധാ പാവ്ടിം വിചാർചിം… തെഞ്ച് രവി ലാഗിം ഹ്യാ പന്ദ്രാ വർസാംനി എക്ച്ാ ഏക് പാവ്ടിം വിചാർലെം നാ. താണെം ജാവ്ന് ഘരാ ഖാതിർ കിതെംയ് കെല്ലെം നാ… ബായ്ല്-ഭുഗ്ര്യാം ഖാതിർ കെദ്നാംയ് ഏക് രുപയ് ഖർച് കെല്ലൊ നാ….

വാഗൊവ്ന്… ശികപ് ദിവ്ന് ജൊഡിക് പാവശെം കെല്ല്യാ ആവയ്-ബാപായ്ക് പയ്ശെം കിതെം കർതായ് മ്ഹൺ വിചാർചെം ഹക്ക് നാ? ധൈർ നാ? വാ സുൻ ജൊഡ്താ മ്ഹള്ള്യാ ഖാതിർ ഗർജ് നാ…?

സുർവെർ ഹാംവെം രവിച്യാ വർതനാചെർ അക്ഷേപ് കർതാനാ സർവാം മ്ഹജെർ ഉപ്രാടുൻ ആയില്ലിം… ഗിദാ പരിം “തും ജൊഡ്തായ് മ്ഹള്ള്യെ ഖാതിർ മ്ഹജ്യാ പുതാചെം കാജാർ തുജ്യെ ലാഗിം കരയില്ലെം… നാ ജാല്ലെം തർ…. താച്യാ മനാ പസന്ദെച്യെ ബാവ്ലെ ലാഗിഞ്ച് താചെം കാജാർ കരയ്തിം…”

“ആതാം ജാല്ലെം തരി കിതെം? ലാകാംനി ഏക് മ്ഹജൊ പൂത്… ഹൊന്ദുൻ ജിയെംവ്ക് ശിക്….”

“വൈനി… യൂ ആർ ലക്കി ടു ഹ്യാവ് സച് എ നൈസ് ഹസ്ബ്യാം ഡ്…” രവിച്യാ ഭയ്ണിൻ ഇംഗ്ലിഷാന്ത് ഫുട്താനാ…. താകാ ദോൻ വാജൊവ്യാം മ്ഹൺ ഭൊഗ്ല്ലെം  മ്ഹാകാ…

ഏക് ബരൊ പൂത്, ബരൊ ഘൊവ് ജായ്ജെ മ്ഹൺ ആസാ? ഏക് ബരൊ ഭാവ്, ആപ്ല്യാ ഭുഗ്ര്യാങ്ക് ബരൊ ബാപുയ് ജായ്ജെ മ്ഹൺ ആസാ….?

ത്യാ ഉപ്രാന്ത് രവിച്യാ വർതനാക് ഹാംവെം കെദ്നാംയ് അക്ഷെപ് കെല്ലൊ നാ. ബലത്കാരാൻ കിത്ലൊ തെംപ് സംബന്ധ് ആസാ കര്യെത്? മ്ഹജ്യെ ആനി രവിച്യെ ജിണ്യെന്ത് ഉമെദിചെം ഏക് കിർണ്യിക നാത്ല്ലെം . ഇത്ലി ബെപർവാ… ഇത്ലി അലക്ഷാ… ഹാംവ് നിർലിപ്ത് ജാല്ലിം… മ്ഹാകാ ഭൊഗ്ണാം നാത്‍ല്ലിം മ്ഹണുൻ ൻഹയ്… ആശാ അത്രെഗ് നാത്ലെ മ്ഹണുൻ ൻഹയ്…. മോഗ്… സാംഗാത്പൺ ദിതല്യാം ഥാവ്ന് അപെക്ഷാ കര്യെത്… പർവാച് കരിനാത്ല്യാ വ്യക്തി ഥാവ്ന് കിതെം ആശെംവ്ചെം…? മ്ഹജ്യാ വാണ്ട്യാന്ത് ഹെം സുഖ് ബരൊംവ്ക് നാ മ്ഹൺ ചിന്തുൻ ഹാംവ് മൌൻ ജാല്ലിം….”

***

“എദൊൾ ഭുർഗിം ൽഹാൻ ആസ്ല്ലിം … താങ്കാം സാംബാളുങ്ക് ആമ്ചി ഗർജ് ആസ്ല്ലിാ… ആതാം ഭുർഗിം വ്ഹഡ് ജാലിം… ആതാം ആമ്ചി കിതെം ഗർജ്? ട്രാൻസ്ഫ.ർ ഘെവ്ന് പുണി വെശി… ഹാംവ് മ്ഹജ്യാ പുതാക് ദുസ്രെം കാജാർ കർതാം…” മാംയ്ന് സാംഗ്താനാ ഹാംവ് ഹാസ്ലിം.

മൌൻ രാംവ്ചെം ചഡ് ബരെം… പൂൺ മ്ഹജെം ആയ്ചെം മൌൻ ഫാല്യാഞ്ച്യാ ചുകിങ്ക് കാരൺ ജാംവ്ക് നജൊ… ഏക് സ്ത്രീ ജാവ്ന് തിചിം ഭൊഗ്ണാം ഹാംവ് സമ്ജല്ലിം. ഘരാന്ത് ജർ ഹാംവ് നാ ജായ്ന് തികാ തിച്യാച് ഘരാന്ത് ബാന്ദുൻ ഘാല്ലെ പരിം…

“ആയി…. ഭുർഗിം ആനിക്യി് ൽഹാൻ… താഞ്ച്യാ ഭവിഷ്യാ ഖാതിർ തര്യിര ഹാംവെം കാം കരിജെ…” തികാ സമ്ജംവ്ചെം ഹാംവെം പ്രയത്ന് കെലെം.

“ആമി സൊളാ ജണാം ഭുർഗിം… ആമ്ചെ ദീസ് വചുങ്ക്നാംരത്ഗീ്…? ആമി കെദ്നാംയ് അശെം ചിന്ത്ല്ലെം  തർ… ആമ്ചെ ദീസ് വെതെ…? കുടം രുതാ കരുങ്ക്നാംരഗീ?” ഹാംവെം തികാ ജാപ് ദിലി നാ.

ആദിം ഹരെക്ല്യാന്യിം താഞ്ച്യാ കുട്മാ ഖാതിർ കഷ്ട് കാഡ്ല്യാത്… തെദ്നാം ഇത്ലി ആധുനികതാ നാത്ല്ലി …. സൌലത്യൊ നാത്ല്യൊ…. ചിന്തപ്യിത ഇത്ലെം വാഡുങ്ക് നാത്ലെം.. ഘൊവ്-ബായ്ല്… ഭുഗ്ര്യാഞ്ചി ഹർ കാമാം എകാമെകാച്യാ സാംഗാത്പണാൻ ചൽതലിം….

മ്ഹജ്യാ ആയിന്യിഗ മ്ഹജ്യാ ആനാച്യാ ഹർ കാമാംനി സാംഗാത് ദിലാ….

ഫാന്ത്യാപാരാർ ഉടുൻ ലാട്യെന്ത് ഉദക് വൊഡ്… ഭാത് കാണ്ഡ്… മയ്ലാംഗട്ല്യാൻ ചലുൻ സാന്തെക് വൊജിം വ്ഹാവയ്…

ആനി തിച്യാ കഷ്ടാഞ്ച്യാ ദിസാം മധെം  കുട്മാദാരാഞ്ച്യാ, ശെജാര്യാഞ്ച്യാ ഉത്രാഞ്ചി നിർലക്ഷാ കർൻ തിണെം മ്ഹാകാ ശികപ് ദില്ലെം. എക്യെ ചലിയെക് ശിക്പാചി ഗർജ് തി കെദാളാഗീ സമ്ജല്ലി ഏക് അശിക്പി ജാവ്ന് വാ തിണെം ജിയെംവ്ക് പെചാഡ്ച്യാ ത്യാ ജിവിതാൻ തികാ ലിസാംവ് ദില്ലെം ജാംവ്ക് പുരൊ… മ്ഹജ്യാ ധാക്ടുല്യാ ഗാംവാന്ത് യുനിവർസിടിക് വചുൻ ശികപ് ജൊഡ്ന് ആയില്ലി പയ്ലി ചലി ഹാംവ്… മ്ഹാകാ ബ്യാങ്കാന്ത് കാം മെൾതാനാ ചഡ് സന്തൊസ് പാവ്ല്ലി  മ്ഹജി ആയി…

മ്ഹജെം ജിവിത് സുശെഗായെചെം ജാലെം ചിണടeചിsണ മ്ഹാകാ തിച്യെ പരിം ഭരാചെം കാം കരുങ്ക് പഡ്ചെം നാ മ്ഹള്ള്യാക് തി സന്തൊസ് പാവ്ല്ലി .

ശിക്പി ബര്യാ കാമാർ ആസ്ച്യാ ചെഡ്യാക് സൊദുൻ തിണെം മ്ഹജെം ലഗ്ന് കെല്ലെം.

മ്ഹജെം കാജാരി ജിവിത് ഹാംവെം സമ്ജുൻ ഘെംവ്ച്യാക്യിി പയ്ലെം തി സമ്ജല്ലി… വേൾ ഉത്രല്ലൊ…. ഹരെക് പാവ്ടിം ദുഖാം ഗളൊവ്ന് തിണെം പാടിം പർതൊംവ്ചെം…. ഹാംവ് ജിവിത് ജിയെംവ്ക് ശികൊംവ്ക് നാ മ്ഹള്ളി തിചി ഖർഗൊവ്ണി….

മ്ഹജ്യാ കാൾജാക് ദുഖ്താലെം…. തര്യ്ാ മ്ഹാകാ ദുസ്ര്യൊ വാടൊ ആപ്ണാംവ്ക് നാകാ ആസ്ലെം….

ജിവിത് ആയില്ല്യെ പരിം ഹാംവെം സ്വികാർ കെല്ലെം….

***

“ട്രാൻസ്ഫയർ ക്യാൻസൽ കെലൊ? ആമ്സൊരാൻ ഭായ്ര് സരുൻ യെതാനാ രവിൻ വിചാർലെം.

“നാ….”

“തർ… വി.ആർ.എസ്. ഘെംവ്ചി വിലെവാരി കെലി?

“ചിന്തുൻ പളയ്താം….”

“ചിന്ത്… തുകാ പ്രമോഷൻ ഗർജെചെംഗീ വാ ഘർ-കുടം…?” തൊ ചല്ലൊ.

“കുടം….? ത്യാ കുട്മാചി ബുന്യാദ് കെദ്നാംഗീ കൊസ്ളുൻ പഡ്ല്ലി . ആജ് ജെ കിതെം കുടം ദൊള്യാം മുഖാർ ദിസ്താഗീ… തെം ഹാംവെം മ്ഹജ്യെ മ്ഹിനതെൻ ബാന്ദുൻ ദവർല്ലെം …

പൂൺ ആജ് മ്ഹാകാ ഖംയ്ച്യാചിയ് പർവാ നാത്ല്ലി … ഹ്യെ ആയിൻ മ്ഹജ്യെ ഖാതിർ വർസാം പയ്ലെം കെല്ലെം… തെം ആജ് ഹാംവ് മ്ഹജ്യാ ധുവാം ഖാതിർ കരുങ്ക് ആശെല്ലിം. ജിവിതാൻ മ്ഹാകാ ആന്യെക് അവ്കാസ് ദില്ലൊ…

***

സർവാഞ്ച്യെ ഖുശെ ആനി നാ ഖുശെ മധെം ഹാംവെം മ്ഹജ്യാ ധുവാം സംഗിം… ഘരാന്ത്ലൊ പാംയ് ഭായ്ര് ദവർല്ലൊ .

ഏക് നവി ഉമെദ് ഘെവ്ന്….

ചെനൈ മേയ്ല് സുടുങ്ക് ഥൊഡിഞ്ച് മിനുടാം ആസ്ല്ലിം … ടി.സി.ക് ദാകൊംവ്ക് ധുവെൻ ടികെട് ഭായ്ര് കാഡ്ലി….

“മാമ്മാ…. തുവെം ചാർ ടികെടി ബുക് കെല്യാത്…!?”

മ്ഹജി ദിഷ്ട് പ്രവേശ് ദ്വാരാ ഥാവ്ന് ഭിതർ യെവ്ന് സുടൊങ്ക് തയാർ ജാല്ല്യാ രയ്ലാചെർ ചഡ്ച്യാ രവിചെർ ഖഞ്ച്ലി….

വർസാം ഉപ്രാന്ത് മ്ഹജ്യാ വദനാർ ഹാസൊ ഉദെലൊ…

രയ്ല് സുട്ലെം… ക്രമേൺ രയ്ലാചൊ വേഗ് ചഡത് ആയ്ലൊ….

(രാക്ണൊ സാഹിത്യ് സ്പധ്ര്യാന്ത് പയ്ലെം സ്ഥാൻ)