bharoti-i bhusenant (armi) chovis vorsam seva sompoitana subedar zal’lea mhaka fuddem bhoddti labcho ovkas na dekun nivrit’t zaunko adex yetana hamv khonddit zaun niraxen golll’lom. Don karonnam mhojye toklek apttol’lim ani mhozo fuddar chintop desvattunk paulolim. Poilem karonn dogam bhugream sovem potinnek samballtana mhojea samballa thaun chodd urounko mhaka zaunko natl’lem ani tye vorvim svont ghor bandchem va ghemvchem soponn kallkench zaun url’lem, bezarai divn.
Dusrem karonn bhugreanchea unchlea xikpak adhar zaunko zata titlim vorsam seva divonko choddit bhoddtenk ovkas zoddunk ani dennem zaun labchea gourou odhikari (honorori) bhoddti sovem sorv souloteo doddtean apnnaunko hamvem orpil’li nixtta ani kel’lo vaur odhrearch tuttl’lo. Tea borabor nivrit’t kall tripten jiemvchem chintop futtl’lem.
Gourou odhikari zal’lom tor nivrit’t veton (penxon) ponchvis hozaram bodlak challis hozarank uddtem, unnye dorir mellchi viski so botli thaun dha botlink pauti ani kyu chukti!
mhaka dusri vatt natl’li, milittri formann auchit yeta ani ghott chiddkota zal’lean hamvem mon ghott kelem, hodreantle dodd’dodde thamboile. Tea pormannench seva sompomvcho adex svikarun, nivrit’t vetonak beank vivor pattoun ani sorv vibhagam thaun akxep na mhonncheak doskot gheun (oouo) hamvem pottli bandunk dhorli. Hanga eka vakmulan sorv vibhagam babtim ucharlem tori milittrint “akxep na” doskot gheunko ek mohino punni dhamvunk poddta, bhik magchye borim.
Tye ghoddboddent ek khont matr mhojea mendvak burak kaddtali: nivrit’t zaun ramvchem khoim mholl’llye vixim. Bozal mhalgoddeanchea ghora vhoddlo bhavo, potinn-bhugream sovem jietalo ani madda-maddianchem tott samballtalo. Hamvem hokkan thoim rauyetem tori potinn-bhugream songim tem ghor tisrea vorgachem biddar zamvchi bhirant aslolean vingodd ramvchi gorz asli.
Tea tekit mhoji potinn-bhugream sovem aplea ghorach rautali, gorzo sudharsitali ani prayest auy-bapaik adhar zatali. Punn mhaka khayam’ thoim ravunk khuxinatl’li!
dekun milittri sanddun mongllur pavol’lo hamv mhojea vostunchi pett ani pottli vhavoun potinne songim jieunko gelom tori don disaninch bhomvarim biddaranchye sodnek laglom. Amkam chiddkun jieunko lhanxem biddar pauta tori haiskulant xikchea dogam bhugreank somadhanan jieunko tikke iskoll ghorachi gorz asl’li zal’lean sodnam bharich koxttanchim zal’lim don karonnamni: poilean, borim biddaram va ghoram bhorti zal’lim, mongllurant kamam dhorlolea bhailea loka vorvim. Dusrean, biddaranchem bhaddem tokle voir aslem!
ekye kuxin mai-mamv amkam apnna songim jieunko vot’tai kortalim ani anyekye kuxin potinn-bhurgim soi ghalun bodlaunn negartalim. Punn hamv fuddlem chint’talom, potinnechim bhamvddam fuddem ailear, ravunk nhoi tori ghor-zago vantte korun vikunk proitn kelear amchi got tikke paddari zamvcho sombhou aslo.
Mhojem mon chint’talem don vattank vinchtalem-svont zago gheun sobit ghor bandun fuddli jinni sarchi va pottli suttoun papari zamvchea bodlak lhanxem biddar bhaddeak ghemvchi.
Vhoi milittri sanddtana mell’lloli pottli thoddeach lakanchi atam sorkari beankant panch vorsam audek (ia) ghal’lean tin mohineank ek pauttim vadd mhojea penxonak motti kortali, khorchak vatt zatali. Svont zago ani ghor axelear pottli khonddit mayag zatoli, khorchak mellchi vadd rautoli, ullttem thoddem penxon beankachea rinnak vetolem. Atam sod’deak lhanxem biddar bhaddeak gheun, bhugreanchea xikpak zoton divn sadea pamvddear jiemvchench vajbi mhonn chintlem hamvem, svont zago ani sobit ghor bhurgim udeog dhorlolea uprantch mhonn.
Ani hea chintpak potinnen soi ghaltana hamvem sodnam choloilim, ek promuk irado dixtti hujrim lokoun: mhaka zolmacho gamv bozal sanddunk khonddit khuxi natl’li!
ablle! hye sadye axechye khuxek poddil gamvant ghor aschi potinn ani dorobost bossanchi soulotai vaporchim bhurgim add rautana, kenkarchea utramni osomadhan usoitana ek ozap ghoddlem, hye kanniek vatt divn. Poddil mamvaddea hamv ekye sokallim allxi pettea borim lollun astana mhaka sodun dog manest aile. Mhoji vollok khatri korun, tum svotontr jieunko biddar sodtai khoim, bozal soddunk inkar kortai khoim, tem aikun ami tuka sodun aileamv, tum amkam upkar kortoloi mhonn” mhonnalem.
Hamv khonddit ghuspoddlom. “biddar zai mhaka punn upkar zata tumkam, hem mhaka somzona” mhonn uchartana te hasle. “bharotachye goddir dexak rakl’lo virputr tum dekun amchea bozal goddir eka tottak rakunk ami vinonti kortamv” mhonnale. Ani hamv “mhollear?” mhonn azaptana, “bozal guddea teuxim amchea mhalgoddeanchi suvat polleunk” mhonn vivorilem.
Mhollear te kenodda vavurtale, hanga auy-bapui ontorlolean ghor-tott ponngil poddl’lem. Boro adai aschea tankam mhalgoddeanchea ugddasak tanchi suvat samballchi axa asli!
hamv oplom, svotontr biddar-tott ani jivall dourcheak samball mhonntana uddlom. “ham-hum” mhonn potinn opli, baik-skuttor gheveam mhonntana bhurgim-i oplim, dekun fuddlea aitara ami teuxin geleamv. Bossam marga thaun bharich mukar, matyechye vatten ekdom’ bhitor, punn vhoddlem tott-sobit ghor-allanchea biddara sovem. Milittrint xembor-donxim zovanank samball’llolea mhaka hanga dha-pondra allam korna kam’ korounko, tankam ani ghor-tottak surokxa divonko ani gorz poddlear ghora bhitorli bonduk vaporunk. Hamv optana te ul’lasle!
eka hoftea bhitor mhaka zovabdari dimvchim dostavezam mongllur ddisi, sob rijisttrar ani bozal ponchaitant utraun ani mhojea adhar karddachi, vollke potrachi ani tosvirechi proti gheun te vhodda anondan mhaka veng marun ani ghorchea salant auy-bapaichye tosvire hujrim dukham golloun te pattim chol’le. Auchit tannim kel’lo upkar niallun, hamvyi roddlom.
Ani mhojea kuttmachea monobhavak tripti lokoun ani zovabdari dil’lea kenoddagaranchye patyennek olonkar pattoun tott samballunk laglom. Tea vella zolmol’lea eka vixixtt ghodditan.
Survat zaun tanchye mozoten ghor-tott nitoll ani sobit kelem, ghora pattlea gotteant posunk gorvam haddlim ani ghor rakunk don sunnea pilam poslim-ek petto anyek kolgem. Toxench ghudd bhorunk kunkddam ani undrank dhamvddaunko majrank araitana sorv dixamni tripti bhogli. Sodam sokallim vegim uttun hamv tottant bhomvddi marilaglom ani allanchea vaurachi porigot pollelaglom. Tye patyennen tottant vavurlolea borich hitlantli randvoi-vhallantli maslli haddun ditale ani bhurgim mongllur thaun mas-laddu haddtalim.
Vorsam ubtana vhodd zal’lim sunnim mhoje rakvoli zaun tottant bhomvtana ani hamv allanchye zagvonne virodh boleam-toddam sorxim ghumvtana eka sokallim eka bakkara pois ek sorop jiddem fuloun khonch marunk aito zalo. Akantun hamv pattim sortana mhozo posko add yeun ghonkunk laglo. Punn sorop nitt zaun hiss kortana posko uddlo ani taka chabun haloilaglo. Sorpan khonch marlich, don pauttim ani tisrye pauttim martana posko add poddlo!
angnnantlea voddtant hamvem poskeacho fondd bandlo, ugddasak guloba zhadd lailem.
