Ostitv    

sobar disam uprant az hamvem oxreant polloilem.

Mhojench protirup….

Mhojean patyeunko zalem na… Potrean voroun polloilem.

Challis vorsankch kes dhove zal’le. Tonddar mirio poddl’leo …

“vollok melltagi tuka tuji….?” suzoya haslem.

“ham… Hamv mhojea prayecheakyi’ mostu vhodd distam….” vax bexinant hamvem tondd dhulem.

Koxi asl’lim  hamv…. Koxim zalim…?

tem sobayechem rup az khoingicho mayag zal’lem zoxem probha naik mayag zal’lye porim.

Probha asl’lim  hamv rovi lagim logn zaun roma zal’lim.

Rovi khatir… Hea novea jivita khatir namv bodlunchi gorz asl’lilo…? torya hamvem kaim okxep kel’lo na… Rivaz mhonnun sobd kaddl’lo  na… Kednam probha thaun roma zal’lingi… Tednanch hamvem… Mhojem ostitv hogddayil’lem…. Rongmomnchar hamv fokot ek patrdhari… Mhozo patr khellcheant… Hamvem kitench unneponn kel’lem na… Horeka patrak hamvem jivo bhorl’lozo… Punn az… Soval mhojea ostitvachem…. Hedd afisa thaun bhoddte sovem chen’noi branchak ttransfr arddor yetana….

Porde ugte zale…

Drixeam bodol’lim….

Bhorlolea kuttmant ekch ovaz…

“ttransfur keansol kor….” tem osadhy mhonn kolltana… “vi.Ar.Es. Ghe…..” pattik poddl’lim .

Pondra vorsam… Mhojea kama nimtim ghorchea horeka sandean tancheo arthik gorzo sudharsun ghetloleo… Az tankam mhojea kamant asokt natli…. Hamv mhojea keabinak ailim. Pattlean suzoya “ekpAivttim vochun ye… Tum nastana tujem ghor borean choltolem…” suzoyan dhoir dilem.

“koxem zata suji? mam-i-mavank dogaiki prai zaun aili. Ani mhojim dogam-i cheddvam bhurgim atatam vhodd zaleant…. Dekun soglleankyizo na khuxi….

“vhoi tankam… Ghordar samballunk ekye striechi gorz asa… Tujeaki chodd patyennechi ani konn mellot…? suji tachea keabinak gelem.

Sot hamv zannam aslim…

“gorz asl’lia mhojea poixanchi… Prayek paul’lea  rovichea dogam bhoinneanchem kazar korunk… Vi.Ar.Es. Gheun mell’llea  thoddea poixamni hanchem kazar kelem tor… Faleam mhoji got kitem…? mhojea bhugreanchem bhovixy kitem..?

“voini… Tuka yunivorsittint goldd              meddol mell’llear kitem zalem? tujean randnnicho gobor kaddinastam ravunk zalem? ani randnnicho gobor kaddtoleank quchittoijiichhichinnoiotti kiteak…? ottra zatana kazar korn dhaddlear zalem….” rovicho bhavo haslo.

Hamvem eka sorpak posl’lem ?… Mhaka haka injiniyoring xikomvchi gorz natli…

Az hamv randnnicho gobor kaddtam va ghor-dar samballtam tor… Tem mhojye thoim aschem boreponn… Mhojea auy-bapain mhaka dil’lem somskar… Ani hamv kamak vetam mholl’llye khatir him sogllim allxi zatana…. Hamv ghollchem ek yontr zal’lim….

Eka fantear uttun sokallincho noxtto… Donparanchem jeunn randun dourun beankak voch… Sanjer yetana potrean toxench kam’… Mhojea ballxeanchem nib divn him oramayen dis lott’talim…. Kromenn hem souyer poddl’lem ….

Mohineachi ek tarik yetana samball zalogi mhonn dha pauttim vicharchim… Tench rovi lagim hea pondra vorsamni ekcha ek pauttim vicharlem na. Tannem zaun ghora khatir kitem-i kel’lem na… Bail-bhugream khatir kednam-i ek rupoi khorch kel’lo na….

Vagoun… Xikop divn zoddik pauxem kel’lea auy-bapaik poixem kitem kortai mhonn vicharchem hokk na? dhoir na? va sun zoddta mholl’llea khatir gorz na…?

surver hamvem rovichea vortonacher okxep kortana sorvam mhojer uprattun ayil’lim… Gida porim “tum zoddtai mholl’llye khatir mhojea putachem kazar tujye lagim koroyil’lem… Na zal’lem tor…. Tachea mona posondechye baule laginch tachem kazar koroitim…”

“atam zal’lem tori kitem? lakamni ek mhozo put… Hondun jieunko xik….”

“voini… Yu ar lokki ttu heav soch e nois hosbeam dd…” rovichea bhoinnin inglixant futt’tana…. Taka don vazoveam mhonn bhogl’lem  mhaka…

Ek boro put, boro ghovo zaije mhonn asa? ek boro bhavo, aplea bhugreank boro bapui zaije mhonn asa….?

tea uprant rovichea vortonak hamvem kednam-i okxep kel’lo na. Bolotkaran kitlo temp sombondh asa koryet? mhojye ani rovichye jinnyent umedichem ek kirnnyiko natl’lem . Itli beporva… Itli olokxa… Hamv nirlipt zal’lim… Mhaka bhognnam nat‍l’lim mhonnun nhoi… Axa otreg natle mhonnun nhoi…. Mog… Sangatponn ditoleam thaun opekxa koryet… Porvach korinatlea vyokti thaun kitem axemvchem…? mhojea vantteant hem sukh borounko na mhonn chintun hamv moun zal’lim….”

***

“edoll bhurgim lhan asl’lim … Tankam samballunk amchi gorz asl’lia… Atam bhurgim vhodd zalim… Atam amchi kitem gorz? ttransfo.R gheun punni vexi… Hamv mhojea putak dusrem kazar kortam…” mamyn sangtana hamv haslim.

Moun ramvchem chodd borem… Punn mhojem aichem moun faleanchea chukink karonn zaunko nozo… Ek stri zaun tichim bhognnam hamv somzol’lim. Ghorant zor hamv na zain tika ticheach ghorant bandun ghal’le porim…

“ayi…. Bhurgim anikyi lhan… Tanchea bhovixea khatir toryiro hamvem kam’ korije…” tika somzomvchem hamvem proitn kelem.

“ami solla zonnam bhurgim… Amche dis vochunknamrotgi…? ami kednam-i oxem chintl’lem  tor… Amche dis vete…? kuttom’ ruta korunknamrogi?” hamvem tika zap dili na.

Adim horekleanyim tanchea kuttma khatir koxtt kaddleat… Tednam itli adhunikota natl’li …. Souloteo natleo…. Chintopyito itlem vaddunk natlem.. Ghovo-bail… Bhugreanchi hor kamam ekamekachea sangatponnan choltolim….

Mhojea ayinyigo mhojea anachea hor kamamni sangat dila….

Fanteaparar uttun lattyent udok vodd… Bhat kandd… Moilangottlean cholun santek vojim vhauy…

Ani tichea koxttanchea disam modhem  kuttmadaranchea, xezareanchea utranchi nirlokxa korn tinnem mhaka xikop dil’lem. Ekye choliek xikpachi gorz ti kedallagi somzol’li ek oxikpi zaun va tinnem jieunko pechaddchea tea jivitan tika lisamv dil’lem zaunko puro… Mhojea dhakttulea gamvant yunivorsittik vochun xikop zoddn ayil’li poili choli hamv… Mhaka beankant kam’ melltana chodd sontos paul’li  mhoji ayi…

Mhojem jivit suxegayechem zalem chinnottoechisnno mhaka tichye porim bhorachem kam’ korunk poddchem na mholl’lleak ti sontos paul’li .

Xikpi borea kamar aschea cheddeak sodun tinnem mhojem logn kel’lem.

Mhojem kazari jivit hamvem somzun ghemvcheakyii poilem ti somzol’li… Vell utrol’lo…. Horek pauttim dukham golloun tinnem pattim portomvchem…. Hamv jivit jieunko xikounko na mholl’lli tichi khorgounni….

Mhojea kallzak dukhtalem…. Torya mhaka dusreo vatto apnnaunko naka aslem….

Jivit ayil’lye porim hamvem svikar kel’lem….

***

“ttransfoir keansol kelo? amsoran bhair sorun yetana rovin vicharlem.

“na….”

“tor… Vi.Ar.Es. Ghemvchi vilevari keli?

“chintun polloitam….”

“chint… Tuka promoxon gorjechengi va ghor-kuttom’…?” to chol’lo.

“kuttom’….? tea kuttmachi bunead kednangi kosllun poddl’li . Az je kitem kuttom’ dolleam mukhar distagi… Tem hamvem mhojye mhinoten bandun dourl’lem …

Punn az mhaka khoincheachiy porva natl’li … Hye ayin mhojye khatir vorsam poilem kel’lem… Tem az hamv mhojea dhuvam khatir korunk axel’lim. Jivitan mhaka anyek ovkas dil’lo…

***

sorvanchye khuxe ani na khuxe modhem hamvem mhojea dhuvam songim… Ghorantlo pam-i bhair dourl’lo .

Ek novi umed gheun….

Chenoi meyl suttunk thoddinch minuttam asl’lim … Tti.Si.K dakounko dhuven ttikett bhair kaddli….

“mam’ma…. Tuvem char ttiketti buk keleat…!?”

mhoji dixtt provex dvara thaun bhitor yeun suttonk toyar zal’lea roilacher choddchea rovicher khonchli….

Vorsam uprant mhojea vodonar haso udelo…

Roil suttlem… Kromenn roilacho veg choddot ailo….

(raknno sahity spodhreant poilem sthan)