sodubab ani indiakalo rajex ho eklo eksuro put. Ani atam tor tajech logn tharla. Indiakan sunek ghalpacheo vosti, bhangram xingram ekek korun poilinch korun dourileamn husko so naxil’loch. Sodubabali tin vorsanchi xirvis asa ozun. Mhoinomal pogar yetloch, tea bhair bonken dourilea poixamvelem kollontor asach. Indiaka tigullosannen somvsar korpi.” aikolam nhoim?” ” sangsang aikotam”। ” hem polloi ami amchi jinn amkam zai toxi zoglim. Atam dis rajex- vindache. Tanche jinnent ami addkholl zaup nam.” ” hoi gom baye kollta mhaka.” ” nam ogich ek sangta hamv. Hea voyant ami rivhors giyrantoch raupache.” “atam rittairomenttachea disamni giyram ani khoinchi poddtoli?” khenkk korun sodubab hamslo ” putachem logn lagi paulam torikoi aplea giyranchi tokhnnai? putak xikoi tim tuji giyram .” khokho hamsot indiakan sodubabak kulailo. ” many baye”.” polloi tanchea khoinchyai nirnnoyak ami virodh korop nam. Pottnam zalem tor chupchap koddek sorop…. ” dogamyni sun yetgir zogpachea aplea jinnechi xim’ akhun ghetli.
Sancho rajex efisantleamn ailo. Chea naxto zalo, indiakan mholl’llem ” are yetea aitarak vindak fri ravo sang”. ” kiteak ge ai?”. ” are baba mongllosutr ani sodam ghalpachem kongon taje auddiche gheupak zai nhoim?”. ” oke sangta taka hamv”. ” are aitarak sokallochench to mhonn taka” ” am ”
aitarak sokallinch rajex vochun vindak ghevun ailo. Indiakan sunekhatir spexol sam’mko meduvdde ani sambaracho bet kel’lo. Thoddeach disambhitor choukoni zaupi tea familin tust korot naxto kelo.” vinda, mongllosutr ani tuka dispott’tte, kamak votnam ghalpak kongon gheupak ami tonixkant ya mugo?” ” hoi ai” ” tum donui hatat bhangrachi kanknna ghaltolem kai eka hatanom ghoddeall ghalun eka hatanom kongon ghaltole te sang”. “ai ekoch kongon bestt” ” spoxtt uloitam rag bi dhornaka ham. Amchem bojett don lakhanche. Tuka zai tosleo vosti ghe.” ” ai,auddolem mhaka tujhem spoxtt uloup. ” sodubab holluch futfutolo “rajex, ami poixe mezun douroya.” chokoni famil satmozoli haxant rongli. Vinda mat teach khinnak indiakachem fen zalem sam’mkem, hi apli sasumam-i nhoim tor kallzatoli ixttinn zatli hem-i taje motint xert zalem.
Darantolem map olanddun vinda tea ghorchi griholokxmi zalem. Paipoddonni zaumn vindan indiakachea kallzak gondhacho hat lailo. Indiakan lokhlokhopi vojracheo veddi, ani kongon sunechea hatat dourle. Nomoskar korpi sunek mon, kalliz bhorun axirvad dile. “vinda, atanch tu hea ghorant ailam, nouvodhuchea xinngarant astonanch tuka utor ditam, hem ghor…Ho somsar…Ho mhozo put ….Hem soglem aichean tujench.”. ” ai….” ” aik fuddlem… Punn xannea tum mat mhojem. Hamv tujem vikettokipor, punn viketti rakhpi …Uddoupi nhoim” sunene mamyk ghott veng marli. Sodubaban rajexak kulailo, “are polloi ai tuzo odhikar uzar korta.”. Lojlozun tam’mddench zalea vindanoi mholl’llem,” hamvy tuka utor ditam, babak ani tuka tras zatlo,tumche mon dukhtolem oxem namv ken’nanch vagche nam.”
kaim mhoineambhitoroch hea choukoni familek novi ankri yeupachi lokxonnam vindan dakhoili. Duvallojeunnam, fulam bi zamvn ruhi ….Indiakali nat …Pohili betti dhonachi petti zamvn zonmak aili. Ani sodubaban rittairomentt ghetli. Kideak tor …Rajexache bhurgeponn xirvixekolagun taka onnbhoupak mell’lle naxil’le atam nativellar chans soddop nam mhonnun. Ruhifattleamn tin vorsamni reyanx zolmak ailo. Balvaddi, prathmik, oxo natrancheo choddteo kolla suru zaleo. Ani ken’nanch aidonank aidon no lagtam cholpi tea ghorant indiakachea kanant khotkhotit tel otil’leuri “tim” utra poddli. Put ani sun kidem uloitat thoim ken’nanch barikosannen lokx no divpi indiakak thorthoro haddpi utor mhollear….. Vrid’dhaxrom’…..
Zannteamni kidem-i sangle ki bhurgeamni hoi mhonnche ani bhurgeanche kidem-i asum …Soglench dogam-i zannteamni matheavor gheuchem oxetoren cholpi ghorant hem ovchin’noponn ghoddlem. Vrid’dhaxrom’ ho aplea dogamykhatiroch hem zannun indiakan aplem kalliz ghott kelem. Ghorpurounnevellar sunek dil’lem utor yad korun tinnem aplea kallzar fator dourolo. Ratche aplea kuddint nhidpak votgir indiakan holluch sodubabalea kanamr hi gozal ghali.”aikolam,hamv sangta tem thonddsannen aikun ghe. Ogich killanch marnakam am” indiakali utram aikumn to fott’ttokon hanthrunnacher utthun boslo.” aiz rajex ani vinda vrid’dhaxrom’ oxem kidem uloitalim. Ghoddye ami oldd fornichor zaleant , nirupoyogi tharleat mhonnun chodd korun amchi bhalki ghoratleamn vochpachi oxoms dista.” indiaka fotti marnam hem zannpi sodubaban tika mh-yamn oddhli,” indi , tuvem lognadisa vindak dil’lem utor ami pallea. Vinda aplech utor moddta tor moddu.” ” atachom ho somsar tancho, tanka naka tor vochuya amim. Punn tanka tras divnoye amim”. Vhamvte ddolle pusot indiaka uloilem.
Dusre disak sokallim sogli sohzotayen vaglim. Sodubab ruhi ani reyanxak skulbosir pavoupak gelo. Rajex adhi vinda ,dogam-i indiakamh-yamn aili,” ai, yetea mohineabhorat baba ani tum vrid’dhaxromant raupachem.”. ” lagi nam more to? pois aslear mayeche pax il’le begin tutt’tole.”indiakachea sohzoponnane put- sun chorchor zhali. ” nam punneat” ” borem, ami faleanch vochpachem kortat, namo titlo di” rajexan namo boryil’lem kagod ani vorsache poixe farik kel’li rexid thoinch douroli ani dogam-i kamak vochpak gelim.
Dusre disa donparochi indiaka ani sodubaban natram ghoramn pauchepoilinch ghoracho kaimocho rokad ghetlo.Payank hat lamvn nomoskar korpi put ani sunek ” sodam sukhi ravat ” oso axirvad ani bhangracheo vosti douril’lo dobo ani benkecheo rosidi dimvn darat ubea axilea tteksint vachun boslim. Char kallzam ghott’tt zal’lim.
Vrid’dhaxromant dogam-i ekamekak sambhallun ghetalim,dis heramvangodda sohoz soptalo. Punn rat mat natranchea yadin sopun sopnaxil’li. Tanka aba-ajechi yad yemvn tras zaucho nhoim mhonnun hich dogam-i put-sunek fon kornaxil’lim, ken’nanken’nam-i vindach tanka kortalem. Aiz nnou mhoine zal’le tanka punneant yemvn. Roktachi choungai sodd nnou mhoine pottat vaddyil’lo put legiz ailo nam..Ho khed indiaka udkaborobor gilltalem. Ekamekank sangalear tras zatlo mhonnun dogam-i nhantnam monsokt roddtalim .Ani dolleant xabamvacho fes gelo hench karonn ekamekak ditalim.
Ochkit ek dis vinda ani dogam-i natram vrid’dhaxromant ailim…Tigamychi-i doxach gel’li sam’mki. Angobhor oddhnni gutthlamvon ayilea vindan indiakak nomoskar kelo.” soubhagyouti bhou” sodchoch axirvad tinnem dilo.Ani vinda tika ghott veng marun roddpak laglem. Donui natram abanchea golleamn poddil’lim.” vinda, ago zala kidem go baye?” indiakak zap ruhin dili,” ajje poppa gelo ge amcho.” sodubabachea payamponda fondd poddil’leuri zhalo.Indiakan tor bob marli sam’mki.” amkam zannteleank soddun paddpoddilea yomachi nodor mhojea putacheroch poddli.”
” ai ,tuka lognadisa dil’lem utor hamve zannun buzun moddlem. Karonn rajexak fainol sttejicho kensor ddittektt zal’lo.”. ” putak mhojea pana suparech sud’dha veson naxil’lem, tori tea holkott duvemsan khaloch taka. Ani mhaka papnnik hem soglle kormobhog polloupak dourlam.” indiaka fott’tt fott’tt korun aple pole ani koplar thapttam marun ghetalem. ” ai purai livhor gel’lem ge tajem”. ” hamv mhojem ditlem axil’lem ordem kimva pavunn livhor taka” ” soglleak patllil’lo ge tajem duvems. Kainch mhollear kainch upai ani naxil’lo. Khup tras bhogle tannem. Tumcheamni pollounko zauchemnam mhonnun kallzar fator dourun ami tumkam hanga pauylem. Hea nirnnoyant hi tumchi dhakttulim natram-i samil axil’lim.”. ” aba…Ajje ani poppan amkam sangil’lem kim to devager gelo kim tumkam tumchea ghora haddpachem. At’tach ya amim amchea ghora.” reyanxan ajechea golleamn gollveng ghali.
Sodubab fatrachi murt koso zamvn chit’talo, zache khandeaveleamn apnne nimnne yatrek vochpache chitil’lem toch gelo. Ani tacho zolmodato hamv urla hangach. Kal poir meren putakodden ho amcho mhataroponnantolo adharoudd mhonnun pollil’lem, punn hajefudde natrancho adharoudd zamvn urlea ti jinn sopoupachi. ” chol aba vochuya amim”. “hoitor, indi- vinda ya amim amchea ghora.”
