‘pitti, ey pitti, kitemre tuka bhas yenangi? kitle disthaun sangtam to dolldir bank mojea dolleam muklo kadd mhonn. Punn tujea kanank sisem bhorla, sangl’lem kanak vochona.’
“baba… Tem… To… Mam’ aikona. Taka kiteakgi hea bankacher eka ritichi vodd. Kaddtam mhonntona vochon tacher vomtoch nidta.”
‘nidonastam kitem? taka atam eledd onji morl, elpedd onji morl. Auk kaulleachem magon gheun aila. Fonddak veche dis zale tori bud bosonk na. Polle… Sang mhaka tuka hamvem sangl’lem nattvotagi na. Pollere…… Tum tori dolle soddn polle. Koroddancho bonglo, lakamni fornichor ghaleat inttiriyor ddekorexon polloyil’lo mono zata. Aspaschea gamvamni osolo anyek bonglo mellchona. Osolea hea raullerak ho bank kitem kallo tiboyere, bhurgeaponnathaun ho bank polleun polleun thoklam tachim vhoddvikai aikon aikon keppo zalam.’
“sangre asagi haka yek nazukai? vhodda monna fatra titlo zodd. Kitem haka mannkam motiam bosoileantgi? va zannari sutarean ddisoin kantoilam? ekleak halounko jAoinatlem hem khoddap, uklunk zal’lo tor kaddn pagorabhair uddoitom.” rois ragan bobatt’tana pedram’ putachem vhoddponn aikoni aikonatleporim bankar nidon voir zollarink parot korchye palik polletalo.
Pittik kitem korchem mholl’llench kollonk na. Vixevo ghemvchea pedramasorxin yeun “mama…… Utt” mhonnalo. Pedramak pittik polleun hasonk ailem. Pittik hea ghorant zamvchem distalem. Prayest bapoik duddvadik putan ani tachea kuttman pollemvchi ani cholomvchi rit utt’tam bostana taka khenddun ulomvchem, porki, got natlo, bhikari toxem cholomvchem pittik borem disonatlem. Punn… Bhirmot to kitem kortolo? to ek samballacho monis. Dis vochoche zalear osolem on’naddponn polleunyi pollenatleporim jielear matr dis kaddunk sadhy mholl’llem koddu sot to borench zanna aslo.
“mama… Utt tea khattier bos. Ho bank ghorantlo hea ratibhitor bhair ghalije mhonn baban takid dilea.”
“kiteakre… To bank kitem nachtagi? uddtagi? va tujea babachea dolleank topta? tem osom pitti, hea bankachi kanni tuka kollit asangi na? na tor sangtam aik…”
mozo azo bhari boro bandhpi. Tanne bandl’lem bandhop, tea bandpant asa ti nazukai polleun lok xabhaski ditalo. Mojea ajeachea ekinponnak ani tachea kamak mechvon oppu xettin mojea ajeak dil’li kannik ho bank. Bank sadharnnacho nhoi bitti pamyancho ani sagvonnichea folleacho. Apleach rukaddant, ochareak sangon xett’ttin koroil’lo bank ho.
Mozo azo mojea gamvant itlea manacho ani moreadecho moniski zaku porbulu mollear her zaticheankyi zai zal’lo monis. Amchea firgojenti to yek namvadd’dik manai, bhari boro mest. Kitlim vhodd vhodd bandhpam tanne bandlimlo zannam-i? atanchyepori simentt ani remvent bandchim nhoi, tim sogllim godd, chuno, mati ani onttlkai ghaln kusoyil’lea bhorsapant bandl’leo vonnti chirea fatracheaki ghottmutt. Tachea kamak mechvon sobar vostu mell’lleo tori hea bankatosli dusri mellonk na. Polle… Tin tokleo zaleo tori aniki yek suvecho burak na. Aniki xembor vorsam geleari kitench zamvcho na.
Pedrabak az bankachi vhoddvik sangcho sondorb mellcho dekun bhari umedin sangun astana, rois ailochch. “yek pautti bondh kor tujem pemparem. Tujem hem purann aikon aikon kan keppe zaleat. Ey, tum kitemre bhereaporim pollet’t asai? vochre to kaddn bhair uddoi.”
`uddoi’ mhonntana pedramak mostu duklem kiteak to bank mollear taka vhorto mog…..
“puta….. Kiteakre pixem pangurtat? zannamyere hea bankar kitli borim kamam zaleant, hea bankar poddl’lo ros kollse kollse zatit. Kitle zonn noure, vhoklo rosak bosleat. Kitlexeo kuddi… Sasnnachea ghora hacher nidon geleat… Tuka kiteak hea bankacher dvex. Kedolla polleleari hea bankak polleun ragan pett’tai ani thuktai? hanne tuka kitem onyai kela sang?”
“thunkchem? tankl’lem zalear foddn ujeant lastom. Tuka zhoddcheak kiteak somzona? ho bank kitlem unneponn haddta zannai? por ayil’le moje ixtt hea bankak polleun kitlem tomaxe kortale moll’llem tuka kollit asa? ho kitem mohan monxeachea ugddasacho kurhugi? tuka prai gaddvachi zali aniki barikai kitem moll’llich kollit na.”
putachem chintap bapoik halounko laglem. “puta… Hamv tujye kitlo xikpiyi nhoi budvonti nhoi. Mojea jivitant mell’llea sukhachye folliechi matr ruch sangonk zannam. Polle… Hea bongleant konnaki, bhaileanchye nodrek poddonk osadhy zal’lem anyek rauller mhaka tuvem toyar korun dilam-i. Hantum yemvcho vecho mholl’llo konni nam. Dekun asondi. Hamv astam voreg heach tuvem mhaka toyar kel’lea raullerant asondi. Kiteak ho mojea ajeachea ugddasacho. Bapaik hamvem utar dilam ho samballtam mhonn. Hem malghoddeanchem daiz, malghoddea putakch hi ast melloje moll’lli tachi axa asli. Dekun hem apnnamvchem bhag mhaka favo zalem.”
“ohoho.. Ho bank moisurchea rai ghoranneantlo. Sontotithaun sontotik yemvchem mannkam motianchem simhason!”
putachem tem mateavoilem ulounnem pedramak adduk laglem zaleari putak mhalghoddeanchem boreponn kollit korije mholl’lli apekxa aniki vaddli.
“puta… Tum bankavixeant uloinam-i. Tujeach malghoddeank okman kortai. Bank mhonn kill korinaka. Hacho mohotv koll’llear khonddit tum ho samballtoloi.”
“ahaha… Ho bank… Porno nakari bank! haka mohotv? pitti, tum kitem polletai? kaddre to mojea dolleam bhair kor.”
“rois… Naka puta, aik”
“na… To mojea ghorant asonkch nozo. Kaddina zalear az ratik pettrol ghaln lasamto!”
atam pedram’ ek onty diunko aito zalo. “naka puta…Titlem mohan kam’ hatim ghenaka. Tuka ho asonk nozomu? bankakhatir ami masam khamvchim naka. Pitti, tum ho bank vhor. Khonddit hea bankant aslim besamvam tuji jinni bodlitelim.”
pittiki tea bankacher vodd. Zai monnonk bhirant, atam pedramanch hat uklun ditana taka mostu sontos zalo.
“kiteakre polletai? vhor vhor tujem dar kosem ugoddta polleyam” nonji vonkun gelo. Pedraman mogan to bank puslo, tachea tea sai manddlea dolleamni dukam demvli, dogamni mellon bank bhair vhortana pedramak aplem masch voddn vhorchyeporim bhoglem.
***
“ddadda, mhaka boik jAoi.” P.U.C. Chem mett choddchea sohonachem ddimandd bapoi roisalagim. Aniki khadd mixi sarki na, ddroiving loisons mellonk na. Aplo put aniki moinor moll’llem dhean roissak na. Ajkal apnnachea ixttanchea bhurgeamni osolim vahonam gheun roste mejtona aplea putan kiteak soddunk nozo moll’llo vad. Sangatach xalinik putan vicharlele ghoddiech melloje moll’lli axa. Dekun putan vicharlelem toullch dizoi moll’llem chintap. Dekun putan kedallari kitem-i vicharchem auy sangata astana. Kiteak toull ti vost khonddit melltali.
Rois namvadd’dik konttrekttor tachem noxib borem aslem. Mati apddileari bhangar zamvche dis dekun tachem namv ani vaur bhoran vaddlo, thoddeach vorsamni koroddpoti zalo, tacho vyouhar vaddtana ongolap choddlo. Soukas bapain xikoyil’lem ekinponn, pramannikota, sot ani nit tachethaun folln dhamvli. Svarti to zalo. Tachea axechea doreant uchambollayechem vadall uttlem. Horbosachi godd mikvali. Monxeaponn melem, duddvacho rakkos ghorzalo.
***
sohonak boik bukk kortana azo, putachea hea kurddea mogak kaujelo. Avoichea dudachi ruch chakl’le te vontt.. Sigretticho dhumvor soddun tambddea rongathaun kallea rongak portol’le. Azo natvalagim char gozali korunk amvddetalo tori natu ajeak polleunyi pollenatleaporim kortalo. Ulo keleari “aik moje ximje” monnon vetalo.
Hanga thoim zamvchim ovgoddam aikon pedramak poilich bhirant. Natvak azo pamyapondlem kostall zaleari ajeak aplem daiz mukarsuncho bhiallo ho natu moll’llo obiman. Apli sontot ani kuttom’ bandun haddcho ganch ho natu moll’llo gourou.
Punn… Natu hea pikea kesanchea ajeachi saulli legun kantthalltalo. Duddu ani grestkayechea gorvan pedramagelem devasponn sonnos khaunko laglem. Ho mataro sogllo dis tem hem novenam, magnnim, ters kortalo. Urul’lim tegam santa khursachi kuru legun kaddinatlim.
Padri sermamv sangtana mizaski dakounko misak vetalim. Tanchye gorje ani morjechea monxeamlagim uloun pattim yetalim. Sangata boson jemvchem. Khamvchem natl’lench. Apaplea vellapormanne mezar manddun dourlelem khatalim.
Pedramak kamachea cheddvan dil’lem tench tachea morjechem jevann. Bhirmot! hea disamni pedramak khamvchi zobbor axa. Tantumyi goddsem mollear jivo. Bajl’lem mas, maslli khaunko jib amvddetali. Cheddvalagim loz sanddun vicharleari dinatlem. Xugor yeta, bi.Pi. Choddta oxem monnon chappe, allni diun sotoitalem. Poilem thaun khel’lo jivo atam tonddbhor ulomvki na. Pottbhot khamvki na. Pedram’ chint’talo: `mojea dollea muklim mortat, hamv kiteak morona.’
***
boik hatak melltoch sohonan bhum-i soddli. Varear ublo, kedolla kolejik veta kedolla ghora yeta? khoim asta? khoim veta? khobor na. Ayil’loch vell, tanne ghal’loch tall. Pedramak ghorchim monxeam porot ghorabhitor yeta poreant nid na. Ugtea zonelathaun gettikch polleta. Kiteak to tancho mog korta.
“pitti, bank sarko asamu? bhurgeanthaun samball. Sori koiti gheun ghai kortit” pitti ghora bhitor rigtana pedramachem sodanchem rozar. Aplea mogachea monxeathaun pois zal’lem duk tachem.
Pittik kollit asam pedramak tea bankacher asl’lo mog ani vodd dekun…
‘aba, bhienaka bank surokxit asa…” putak ani sunek hem aikatana uzo pett’talo. ‘mhatareak bankachi girant laglea. Melear pettesongim banki fonddant douream, na tor utton yeunko asa.” put ani sun kitlem uloileari pedramak matr bankak visronk zaunkoch na.
Rois atam sanz zatana tambddo zatalo. Pionnem choddtana pedram’ bhielo, pionnem natlem kuttom’ tachem. Tacho azo, bapoi gamvcho luvad zaun lokachi seva korun pionnem aschea lokak sarke vattek portil’le manai. Motaisagelem man, moreadechem ghorannem. Poilo ami soro pietamv. Uprant soro amkam pieta. Punn… Az apnnachem kuttom’ amal gheun bostona pedramak toddvona…
‘puta… Nakare amalachea chiklant poddonaka. Xalini ghovak bud sangchi soddn tuvem-i glas ghetlai?”
“rois… Mhotareache korkore suru zale. Borean sangtam bhitor voch, na tor…” uttlenchch. Pieun binddam sarke zal’le dolle, add poddchi jib, niyontronn chukl’le kuddichi austa polleun pedram’ gelo.
Febrer 14 tarik. Velenttoins dde. Az sohon gelo hirobori. Auy ani bapoichea pakett monin bols datt zal’le. Auy putak zhuzak daddchea sojeraporim daddtana azo zonelantlean tilltalo.
***
donpar portalo, bhumyk kallok dattelo. Gel’lo natu aniki yeunko na. Ajeak bhirant. Gettir asl’li dixtt pattim kaddunk naka. Sun piknikak gelam. Putachi khobor na. Bhair bhitor gelo. Heramni polloilear bochavi na.
Fon vazonk laglem. Kamachea cheddvan ukul’lem. Kuddke kuddke utramni uloitano kaim somzonk na. Roisacho moboil nombor dilo.
“kitem zalengo maggi? kiteak roddtai?” “aba… Sohon babak eksiddentt zaun …To..”… pedrab thoinch boslo. Tachea dolleank kallok ailo. Thoddea vellan vahonam yeunko laglim. Lokachi khatodd zali. Mhataro pedram’ pollet aslo. Rois soglloch goll’llo. Ixttamni haddn taka sofar bosoilo. Thoddea vellan sun ailem. Hachea dolleamni dukanch nant mhonn chintlea taka atam tem roddtana… “tujea putachem khunigarn” mhonn sangeam toxem bhoglem. “atam ombulens yetelem. ‘bank’ khoim asa?” eklo vichartalo. Sodunk lagle. Khoim asa? konnager asa?
sezarchea her zaticheamni diunko inkar kelem. Mel’le kuddik dourunk hindu lok toyar natle. Kristamvanger ajkal bankch nant. Moladhik sofa kodelam matr sobhtalim.
Pedram’ polletalo. Taka aplea ajeachea bankacho ugddas _Aoilo. Kitlexe noure ani hoklo rosak boson kuttma jivit bandun asat. Kitlexeo mel’leo kuddi teach bankar tel ros ani holl’llechea nhannient nhaun sasnnachea ghora pauleat. Kitl’lexea mornna pettank hea bankan vixevo diunko na. Punn mojea putak to kill zalo. Hamv tantum nidon vochonk axel’lom. Punn… “tuka chondonacho bank haddn dhaddtam moll’llea mojea putak devan kosoli xirantt marli? kosolo nirbagi hamv! mozo put mojem moronn axel’lo. Punn hamv az mojea rogtachea pipreank dhaddtam” pedram’ monantch zal’lim ghodditam chint’talo.
Bankak gel’le sorv ritea hatamni pattim yetana… “pitti vochre puta… Tumcho to bank hadd” monntana xalini ani rois uskeun uskeun roddonk laglim.
